IBIBLIYOTEKA YO MWINTERNETINI yo Watchtower
IBIBLIYOTEKA YO MWINTERNETINI
yo Watchtower
Imakhuwa Imeetto
  • IBIIBLYA
  • ILIVURU
  • MIKUTTHAANO
  • w23 Julho p. 31
  • Mwaanaacuwela?

Khiivo ividiyu yo ula mphanttyoola.

Nswammaha, ihaavo ivonnyaale ukati wowoonihera ividiyu.

  • Mwaanaacuwela?
  • Ukhalenla Ilalyeeraka Umwene wa Yehova (Yoosomiya)—2023
  • Myaha Coolattanaca
  • Ayo khayaakhoromile
    Wiitthucere Ihantisi co Mbiibiliyani
Ukhalenla Ilalyeeraka Umwene wa Yehova (Yoosomiya)—2023
w23 Julho p. 31

Mwaanaacuwela?

Ipolooku coopahiya cooneleleliye nipuro naari isittatti yo Babilooniya cinthoonyera cani wiira Ibiiblya inhimya ikhweeli?

NIPURO naaphwanyannya isittatti yo Babilooniya, anamathipa ahophwanya ipolooku cinci coopahiya caavareliye nteko wiira itekiye iyo isittattiiyo. Namasoma Robert Koldewey, heera wiira nnyo ipolookunnyo caapahiya mmafoornuni caaphwanyannya vate waya isittatti, kontha ayo mapurwaayo “wahaavo uloko mwinci . . . ni khawaarika upaha mooro.”

Ilivuru cokhalayi cinene cihoonihera wiira ahooleli o Babilooniya yanvarela nteko nnyo ifornunnyo wiira yaahuvihe atthu . Purusoore Paul-Alain Beaulieu nosomiha icikola yuulupale yo Toronto, heera: “Ilivuru cinci co Babilooniya cinaahimya wiira mamwene yanrumaka wiira apahiye atthu nlattu woopanka ikhirini awula urukunuwela ikuvernu.” Ilivuru imoca yantikhiye ukati wa mwene Nabukodonosor iheera co: “Mwaamalamalihe, mwaapahe ni nwoose nfornuni mwaatthuwihere mwiisi ni mwaamalamalihe ni mooro.”

Iyo itthwiiyo inaawuupusera ale ansoma Ibiiblya ihantisi inttonkaciya nhina ikapiitulu 3 ya Daniele. Toko cinooniheraaya iyo ikapiitulwiiyo, mwene Nabukodonosor ahompanka ttontto muulupale ncoko uneehaniya Dura—vate waya isittatti yo Babilooniya. Amirawo araru maberewu yeehaniya Sadraki, Mesaki ni Apeteneku, yahokhotta ukhoromela ni uswalela iyo ilataratweeyo. Nlattu wo iyo itthwiiyo Nabukodonosor ahoviruwa ni ahoruma wiira ifornu ivihihiye ikwaha 7, upwaha caavihihesiyaaya. Ni ahoruma wiira ayo alopwana ararwaayo apahiye nfornuni. Nlayikha nokuru nahowoopola ni ayo khayaavile.—Dan. 3:1-6, 19-28.

© The Trustees of the British Museum. Licensed under CC BY-NC-SA 4.0. Source

Ipolooku yoopahiya yantikhiye ncina Nabukodonosor

Ipolooku cooneneliye u Babilooniya cinawoonihera wiira iyo ihantisiiyo ikhanle ikhweeli. Nhina nnyo ipolookunnyo yahaavo moluumu yantikhiye ni mwene Nabukodonosor yeera co: “Nabukodonosor, mwene o Babilooniya . . . Ipalasiyu, inupa yanhooleli muulupale itekilyaaka . . . ukhulupalyaaka uhimalamale iriyari weela inupeela mpaka.” Ayo moolumwaayo anaalattanaca ni moolumo yantikhiye nhina Daniele 4:30, iyo iverisikulwiiyo mwene Nabukodonosor ahettitthimiha eeraka: “Ula khanahimwena Babilooniya muulupale kintekilyaaka mwaaneennyaaka wiira akhale inupa ya mwene, niikurucaka, nuukhulupalyaaka wiira kittitthimihiye?”

    Makhuwa-Meetto (2014-2025)
    Ukhuma
    Ukela
    • Imakhuwa Imeetto
    • Unveleelihera Ntthu
    • Cimpheelaa
    • Copyright © 2025 Watch Tower Bible and Tract Society of Pennsylvania
    • Mananna Oovarela Nteko
    • Isiyaasa Yosiiri
    • Privacy Settings
    • JW.ORG
    • Ukela
    Unveleelihera Ntthu