Sapa pe it dimir dia la ada-airu?

SAPA PE BÍBLIA DALE?

“Maromak . . . hi hol bel, rom mata eran ni rom matan, maeta hei baʼni, atuba hi ba sero tan ka huan mam, tan san seir munan nin lau belʼsi.”​—Apokalipse 21:3, 4, Tradusaun Mundu Foun.

MAMBAE PE IDIA LEB DIA IT?

It hi nei serbis kode, idua hi pun it kontente.​—Isaias 65:21-23.

Moras no terus hi baʼni sei.​—Isaias 25:8; 33:24.

It hi mori kontente la nahati nor it familan ka it graen.​—Salmo 37:11, 29.

IT LEB FIAR RIO SAPA PE BÍBLIA DALE KA BAʼNI?

Leb, tan razaun ru:

• Maromak nei forsa oid pun sapa pe ua dalen sai tusni rio. Her Bíblia, Maromak Jeová mesa pe Bíblia gau nor galan “forsa tuʼu lau hled”, ua forsa kidia hi ba hled id. (Apokalipse 15:3) Tan forsa kidia, ua leb pun sapa pe ua karak oid punkode rae ia. Bíblia dale: “La Maromak san hled-hled leb bel.”​—Mateus 19:26.

• Maromak karak rio pun sapa pe ua dale bel sei. Sano id pe, Maromak Jeová gnan dlo bel oid pun atub maeta ro mori hel.​—Job 14:14, 15.

  Bíblia meit dale tuse Maromak ni ana-manen, Jesus kura atub seir moras. Mambae pe ua pun idua? Tan ua dob it atuba. (Marcos 1:40, 41) Dlo, man se ua aman, Jesus meit karak tulun atub seir beʼpe her susar lalan.​—João 5:19.

  Tan idua, it leb fiar Maromak Jeová nor Jesus karak it mori kontente ni ada-airu.​—Salmo 72:12-14; 145:16; 2 Pedro 3:9.