Mambae it leb pun mori familan nin sai kontente lau?

SAPA PE BÍBLIA DALE?

“Ksolok la seir beʼpe plig Maromak ni gaeshuan nor pun dar!”—Lucas 11:28, Tradusaun Mundu Foun.

MAMBAE PE IDIA LEB DIA IT?

Manen hei dob ni hinen.​—Éfeso 5:28, 29.

Hinen hei respeitu ni manen.​—Éfeso 5:33.

Hen nor lain koron kode, mori familan nin hi tama nahati.​—Marcos 10:6-9.

IT LEB FIAR RIO SAPA PE BÍBLIA DALE KA BAʼNI?

Leb, tan razaun ru:

• Maromak pe familan ni puʼun. Bíblia dale tuse, tan Maromak Jeová pe “familan hled her lalehan nor raea nei”. (Éfeso 3:14, 15) Tan idua familan hled nei, tan Maromak Jeová ni karak. Mambae pe idia importante ma it?

  Exemplun id pe: Arpil it mu san mua megin id, it karak tad oid sapa pe rom tlei san mua kidia, it hei tug reseita la atub id hine tlei san mua kidua. Dlo ka baʼni?

  Man ua meit nor mori familan nin, se it karak nei mori familan nin kid be kontente dlo it meit tenki nae tad Maromak Jeová ni daʼan, tan ua pe puʼun la mori familan nin.​—Génesis 2:18-24.

• Maromak tgu, ka hanoin, tusni it. Familan id be matenek hi nae Maromak daʼan oid dar Maromak ni Gaeshuan. Tan sapa? Bíblia dale: ‘Tan ua hanoin it.’ (1 Pedro 5:6, 7) Maromak Jeová hanoin rio it koden. Dar sapa pe ua denu hi ajuda nahati it ni morin.​—Provérbios 3:5, 6; Isaias 48:17, 18.