It fiar Bíblia Maromak pe neʼe ka baʼni?

SAPA PE BÍBLIA DALE?

“Maromak pe laka atub ker Eskritura hled.”​—2 Timóteo 3:16, Tradusaun Mundu Foun.

MAMBAE PE IDIA LEB DIA IT?

Bíblia glo nor kode dlo sapa pe it tug dia la it morin.​—Provérbios 2:1-5.

Leb sai man se daʼa ma it morin lelo-lelon nin.​—Salmo 119:105.

Ne esperansa kid dlo dia la mori ada-airu.​—Roma 15:4.

IT LEB FIAR RIO SAPA PE BÍBLIA DALE KA BAʼNI?

Leb, tan razaun teil:

• Gaeshuan her Bíblia lalan ba kontra ro kid. Ni tonan 1.600 ni lalan atub 40 man ua pe ker Bíblia. Rom ba ten ro kid. Mais sapa pe rom ker her Bíblia lalan ba kontra ro kid. Sapa pe Bíblia gase dia la sano idʼs.

• Gase dlo nahati dia la istoria huir munan nin. Arpil atub ker istoria dia la rom ni nasaun, rom ba ker haet pil rom ni atuban lako huna. Mais atub seir ker Bíblia gase moʼmo dia la rom ni sala, fraku nor sala seir beʼpe rom povun pun.​—2 Krónikas 36:15, 16; Salmo 51:1-4.

• Gase dlo nahati dia la ada-airu. Tonan atus hohoru antes Jesus mori, Bíblia dale bel si dia la Jesus hei mori ni Belein, sidade kruman id her rae Judeia. (Miqueias 5:2) Dlo-dlon Jesus mori rio neuwa ka baʼni? Dlo rio, ua mori ni sidade kidia!​—Mateus 2:1-6.

  Bíblia dale mun bel dia la sapa pe hei ma ni ada-airu, nor sapa pe Bíblia dale hei sai tusni rio. Mambae? Tan Bíblia pe Maromak ni Gaeshuan.​—2 Pedro 1:21.