Mwaka Onga Wasila Pano Inkondo Yatandikila Uku Ukraine—Uupaalilo ci Uno Baibo Ikatupeela?

Pali cisano apa 24 Febuluwale 2023, umwaka onga wakumine ukufuma pano inkondo yatandikila uku Ukraine. Ukulingana na vino aakalondelezya malyasi yamwi yalanzile, asilika umupipi na 300,000 aku Ukraine nu ku Russia yafwa yamwi nayo yacisika nupya antu mupipi na 30,000 yafwa umu nkondo kwene ii. Nomba, limwi ipendwa ingacila na pali ii.

Icaticipa icakuti, kusi icili consi icikulangilila ukuti inkondi ii ili umukusila.

• Apa 19 Febuluwale umulabasa umwi uwa NPR (National Public Radio), walanzile ukuti “Umwaka onga watiwasila ukufuma pano asilika aku Russia yazanzile impanga ya Ukraine, kusi icili consi icikulangilila ukuti inkondo ii ili umukusila. Kusi impanga ikulangilila ukuti ilacimvya nupya pasi icikulangilila ukuti yamalazyanya nu kuwikizyanya.

Antu aingi iyasakamikwa sana nupya yakucula pa mulandu ni ntazi zino inkondo ii itileta, ivintu vyamusango uu alino navyuze ivilenga antu akaele ukutandika ukucula . Uupaalilo ci uno Baibo ikatupeela? Uzye inkondo ilatala isile?

Inkondo iilamala inkondo zyonsi

Baibo yalanda apa nkondo iilapususya antunze yonsi, asi kuyonona. Inkondo ii ikaamwa ukuti Amagedoni, nupya ikalondololwa ukuti “nkondo iya pa wanda ukalamba wakwe Leza wa Maka Yonsi.” (Kusokolola 16:14, 16) Leza alaomvya inkondo ii ukufumyapo amauteko ya antunze, aakalenga kuti kwaya inkondo izingi. Pakuti mumanye vino Amagedoni ilalenga kuye umutende amanda pe, belengini ivipande ivyalondelelapo:

• “Uzye Inkondo ya Amagedoni Ali Cani?””

• “Alamagedoni I Lyasi Lisuma!”