Uzye ya Nte Yakwe Yeova A Kaliumba ka Mapepo Akapondoka Sile?

Awe, ya Nte Yakwe Yeova asi kaliumba ka mapepo akapondoka. Swemo sweswe Ina Klistu aakalondela vino Yesu wacitanga, nu kucita vino watusambilizye.

Uzye kaliumba ka mapepo akapondoka sile kaya uli?

Kaliumba ka mapepo akapondika sile yakakalondolola umu nzila zipusane pusane. Nomba uvwini vintu viili vino antu yakaelenganya pa upefi wa musango uu mumanye nu mulandu uno ya Nte yene yataya vivyo.

• Yamwi yakati akaliumba ka mapepo akapondoka sile a kaka akaacitandike likwene napya akasilondela ivya mu mipepele ya Ciorthodox. Ya Nte Yakwe Yeova yatatandika imipepele ipya. Imipepele itu ikalondela vino Aina Klistu akutandikilako,yano imiombele yao ni visambilizyo vyalembwa muli Baibo. (2 Timoti 3:​16, 17) Twazumila ukuti Malembelo ya Muzilo yaluta ivya mu mipepele ya Ciorthodox.

• Yamwi nayo yakalondolola yati kaliumba ka mapepo akapondoka sile kakatungululwa nu muntu. Ya Nte yakwe Yeova yene yasitungululwa nu muntu. Swemo tukauvwila mazwi yano Yesu wanenyile alondizi yakwe ukuti: “Pano Kristu wenga sile ali Ntunguluzi inu.”​—Mateo 23:10.

Fwandi ya Nte yakwe Yeova asi kaliumba ka mapepo akapondika sile; mipepele yao ikaazwa yonsi aayamo nu kwazwa antu yauze. Conga icakuti mulimo wa kusimikila wazwa antu aingi ukuta imisango iipe, wakwe ukuomvya imilembo ikavulunganya uwongo, nu wengwa. Napya umu nsi yonsi tukatungulula masukulu akaazwa antu ingi kumanya kuwelenga nu kulemba. Napya tukaavwa antu aponelwa na mazanzo. Tukaombesya ukuya ni miyele isuma, nu kwazwa anji, wakwe vino Yesu wanenyele alondezi yakwe.​—Mateo 5:​13-​16.