Kukululwa Ukufuma Umu Eguputo Kufika pa Mwene wa Kutandikilako wa Ina Izlaeli

Mose watungulwile aina Izlaeli ukufuma uku Eguputo ukuya uku Mwamba wa Sinai, kuno Leza wayapeeliile amasunde. Ukufuma papo, Mose watumile inengu 12 ukuya-lengula impanga ya Kenani. Nomba inengu 10 zyene vino zizile izilanda vitaaziifile. Zyalenzile antu ukutandika ukulondesya ukuswilila uku Eguputo. Aina Izlaeli, yataakweti utailo, acino Leza walenzile ukuti yaalulumba umu lwanga pa myaka 40.

Lyene Leza wasoolwile Yoswa ukutungulula aina Izlaeli ukwingila umu mpanga ya Kenani. Yeova wacisile ivipezyamano pakuti azwe aina Izlaeli ukwikala umu mpanga ya Kenani. Walenzile amanzi amu Luzi lwa Yodani ukwimilila, ni viumba vya Yeliko ukuwa, alino ni lanzi ukwimilila uwanda onsi. Lino paapisile imyaka mutanda (6), aina Izlaeli yaposile impanga ya Kenani.

Ukutandikila pali Yoswa, aina Izlaeli yaateekwanga na apinguzi pa myaka 356. Tumasambilila pa yapinguzi aingi, kumwi na Balaki, Gidyoni, Yefuta, Samusoni na Samueli. Nupya tuli nu kuwelenga amalyasi pa yanaci wakwe, Laabu, Debola, Yaeli, Luti, Naomi na Delila. Ciputulwa Cakwe CITATU cikalanda pa vintu ivyacitiike pa myaka 396.