Watchtower LAIBULALE UWA PA INTANETI
Watchtower
LAIBULALE UWA PA INTANETI
Cimambwe-Lungu
  • BAIBO
  • MPAPULO
  • KULONGANA
  • wp17 na. 1 mafwa 5-6
  • I Vyani Vingalenga Mwaipakizya Vino Mukuwelenga?

Kutaaya vidyo pali vino mwasoolola

Awe icumi catala, vidyo wakaana ukuloleka

  • I Vyani Vingalenga Mwaipakizya Vino Mukuwelenga?
  • Lupungu Lwa Mulinzi Ulukamanyisya Antu pa Wene Wakwe Yeova (Lwa Yantu Yonsi)—2017
  • Ivyeo Ivikolineko
  • Vipande Ni Vikomo A Weni Uwavisile Muli Baibo?
    Lupungu Lwa Mulinzi Ulukamanyisya Antu pa Wene Wakwe Yeova (Lwa Antu Yonsi)—2016
  • Vino Mungacita
    Lupungu Lwa Mulinzi Ulukamanyisya Antu pa Wene Wakwe Yeova (Lwa Kusambililamo)—2023
  • Ibuku Ilyangupala Ukuvwa
    Lupungu Lwa Mulinzi Ulukamanyisya Antu pa Wene Wakwe Yeova (Lwa Antu Yonsi)—2016
  • Uzye Mukaomvya JW Laibulale?
    Swe Ina Klistu nu Mulimo Witu—Kabuku Kakuomvya pa Kulongana—2016
Lolini na Vyuze
Lupungu Lwa Mulinzi Ulukamanyisya Antu pa Wene Wakwe Yeova (Lwa Yantu Yonsi)—2017
wp17 na. 1 mafwa 5-6
Mama akuomvya iviombelo ivyakumwavwa ukuvwikisya Baibo lino akuwelenga

LYASI LYAKUTANDIKILAKO | U MULANDU CI UNO MULINZILE UKUWELENGELA BAIBO?

I Vyani Vingalenga Mwaipakizya Vino Mukuwelenga?

Uzye mukauvwa uli ndi mukuwelenga Baibo? Uzye mukauvwa ukasu? Nanti uzye ikamutekezya ndi mwawelenga? Ilingi cikaya ni nzila ino mukuomvya pa kuwelenga. Lekini tulande pa vintu ivingalenga mwalondesya ukuwelenga Baibo nu kuipakizya.

Mwaomvya Baibo isuma iyasenulwa umu lulimi luno munguvwikisya. Ndi cakuti muli vino mukuwelenga muli mazwi aingi akome ukuvwa nanti ampiti yano mutamanya, cingalenga mutaipakizya lino mukuwelenga. Fwandi mulinzile ukulonda Baibo iyasenulwa umu lulimi ulwanguke ukuvwa nupya ingamufika pa mwenzo. Nomba ilinzile ukusenulwa umu nzila ya kuti vikulandwapo vikuvwika nupya ivikonkana ningo ukulingana ni nsita ino vyacitikilepo.a

Mwaomvya iviombelo ivipya. Ndakai Baibo waya na pa intaneti. Mabaibo yamwi mungayawelenga pa intaneti nanti ukuyakopela pa compyuta, tabuleti nanti pa foni. Iviombelo vimwi vyakwata inzila zimwi inzingalenga umuntu ukulonda Baibo muze pakuti alole vino namo yasenula api lyasi kwene lino akuwelengapo muli Baibo wino akuomvya. Ndi cakuti mwatemwa sile ukukutika ku mazwi akopelwe limwi, pa intaneti pakazanwa Baibo ino yawelenga. Antu aingi yakaipakizya ukukutikako lino yali muli motoka yakuya kumwi, lino yakufula ivyakuzwala, nanti sile lino yakuomba imilimo yuze ingayazumilizya ukukutikako. Nga mwemo mutanga mwezyeko inzila ingamizipila?

Mwaomvya iviombelo ivingamwavwa ukusambilila Baibo. Iviombelo ivingamwavwa ukusambilila Baibo vingalenga mwauvwikisya lino mukuwelenga. Kwaya yamapu akalangilila impanga izyalembwa muli Baibo, angamwazwa ukumanya ningo pano impanga zizyo zyayelile pakuti lino mukuwelenga ale mukwelenganya pano vyacitikile. Ivipande vimwi ivikazanwa muli ya magazine nanti pa webusaiti ya jw.org, vingamwazwa ukumanya ningo upiliulo wa malyasi yamwi alembwa muli Baibo.

Mwaomvya inzila zya kuwelengelamo izipusane-pusane. Ndi cakuti mukalola kwati ukuwelenga Baibo kufuma ku nkupo kufika ku nkupo kukamuvwisya ukasu, limwi mungezyako ukulawelenga ilyasi lyonga-lyonga lino mwatemwa sana pakuti mwaipakizya. Ndi cakuti mukulonda ukumanya antu amanyikwa sana aalembwa muli Baibo, mungaawelenga pa muntu wenga na wenga. Inzila yonga ino mungaomvya lino mukuwelenga Baibo yatilandwapo umu kambokosi akakuti: “Ukumanya Antu Aaya Muli Baibo Kungamwazwa Ukuvwikisya.” Nanti limwi mukulonda ukuwelenga Baibo, api lyasi lyonga na lyonga nanti ukulingana na vino malyasi yayo yakonkine. Uzye mutanga mutemwe ukwezyako inzila kwene zii?

a Aingi yazana ukuti Baibo wakuti Amalembo ya Calo Cipya yasenulwa ningo, isuma, nupya amazwi aayamo yakauvwika. Baibo ii yapangwa na ya Nte Yakwe Yeova, nupya yaya umu ndimi ukucila 130. Mungakopa Baibo ii pa webusaiti ya jw.org nanti mungakopa sile JW Laibulale. Nga mungatemwa, ya Nte Yakwe Yeova yangamuletela pa ng’anda Baibo ipulintwe.

UKUMANYA ANTU AAYA MULI BAIBO KUNGAMWAZWA UKUVWIKISYA

Anaci yamwi aali nu utailo

Abigali

1 Samueli cipande 25

Esita

Esita vipande 2-5, 7-9

Hana

1 Samueli vipande 1-2

Maliya

(Nyina wakwe Yesu) Mateo vipande 1-2; Luka vipande 1-2; lolini na Yoane 2:1-12; Milimo 1:12-14; 2:1-4

Laabu

Yoswa vipande 2, 6; lolini na Ayebulai 11:30, 31; Yakobo 2:24-26

Labeka

Utandiko vipande 24-27

Sala

Utandiko vipande 17-18, 20-21, 23; lolini na Ayebulai 11:11; 1 Petulo 3:1-6

Aonsi yamwi yano tungakolanya

Abraham

Utandiko vipande 11-24; Lolini ni cipande 25:1-11

Davidi

1 Samueli vipande 16-30; 2 Samueli vipande 1-24; 1 Yamwene vipande 1-2

Yesu

Mabuku Ilandwe Mateo, Mako, Luka, na Yoane

Mose

Kufuma vipande 2-20, 24, 32-34; Mpendwa vipande 11-17, 20, 21, 27, 31; Malango cipande 34

Nowa

Utandiko vipande 5-9

Paulo

Milimo vipande 7-9, 13-28

Petulo

Mateo vipande 4, 10, 14, 16-17, 26; Milimo vipande 1-5, 8-12

VIOMBELO IVINGAMWAZWA UKUSAMBILILA BAIBO IVYAPANGWA NA YA NTE YAKWE YEOVA

  • JW.ORG—Pa webusaiti ii paya iviombelo ivingi, ukwikako ni cipande cakuti “Amasuko ku Mepusho ya mu Baibolo” umu Ciyemba. Nupya paya ni vyeo vya kutulangilila vino tungacita pakukopa JW Laibuale

  • “Moneni Icalo Cisuma”—Mu kabuku kaa mwaya yamapu ni vikope vya mpanga izyalembwa muli Baibo

  • Insight on the Scriptures—Kwaya volume 1 na 2 mu Cizungu, mu mabuku yaa mwaya ulondolozi pa yantu, incende alino na mazwi aya muli Baibo

  • “Amalembo Yonse Yantu Yapuutwamo Kuli Lesa, Kabili ya Kunonsha”—Ibuku lii likalondolola insita lino ibuku lyonga na lyonga lya muli Baibo lyalemvilwe, kuno lyalembiilwe, nu mulandu uno lyalembiilwe nupya likalondololako na panono ivyaya mu mabuku kwene yaayo

  • Baibolo—Cebo ca kwa Lesa Nelyo ca Muntu?—Kabuku kaa akanono kakalondolola ningo umulandu uno Baibo ikalandila ukuti amazwi yonsi ayamo yafuma kuli Leza

  • The Bible—What Is Its Message?—Kabuku kaa mungakazana mu Cizungu, kakwata amafwa 32, kakalandako panono api lyasi ilyaya muli Baibo

    Impapulo Zya Cimambwe-Lungu (2009-2025)
    Fumini
    Ingilini
    • Cimambwe-Lungu
    • Tumiliniko Yamwi
    • Vino mukulonda ukucita
    • Copyright © 2025 Watch Tower Bible and Tract Society of Pennsylvania
    • Masunde pa Miomvezye
    • Kusunga Inkaama
    • Privacy Settings
    • JW.ORG
    • Ingilini
    Tumiliniko Yamwi