Lino Ivintu Vyacuzya Sana Umu Umi

Sally,a uwa ku United States, wino waponzizye ivikwatwa vyakwe ivingi vino wakweti walondolwile ukuti: “Nalolanga kwati ntange nzizimizye pa ntazi ino nakweti. Pa manda aingi nayuvwanga ukuti insita ili yonsi ningafwa.”

Nga ndi cakuti wino mwatemwa wafwa, mungacita uli? Ya Janice, aku Australia yalanzile ukuti: “Lino ana yane alumendo yoili yafwile, cali kwati nkwezya ukukonganika iviputulwa vya umi wane pakuti sile ntwalilile ukuya nu umi. Nanenyile Leza ukuti: ‘Napapata we Leza wane ntange nkwanisye ukuzizimizya ucuzi uno nkweti. Leka sile imfwe. Nsikulonda ukutwalilila ukuya nu umi.’”

Ya Daniel nayo kwene yuvwile sana uyi lino yamanyile ukuti aci yataali ni cisinka kuli aliyo. Yalondolwile ukuti: “Lino mamane wailandiile ukuti ataali ni cisinka, cali kwati yantota nu mupeni ku mwenzo. Nuvwanga vii pa miku ni miku nupya casenzile imyezi pakuti sile inte ukuvwa vivyo.”

Lupungu luu lumalanda pa mulandu uno umi wacindamila nanti icakuti

• Kwacitika uzanzo

• Wino twatemwa wafwa

• Uwitu asi ni cisinka

• Twalwala ulwale uwipisye

• Ntazi zyavulisya twalola ukuti tulinzile sile ukufwa

Fwandi lekini tutandikilepo ukusambilila vino tungacita ndi kwacitika uzanzo