Uzye mukaelenganya ukuti amwemwe sile mulapusuka?

Awe. Antu ingi sana aaliko mpiti kumwi sile na ataali Inte Zyakwe Yeova yalapusuka. Baibo ikalanda ukuti mu nsi ino Yeova walaya, “asuma na ipe, yalazyukuka kufuma ku afwe.” (Milimo 24:15) Napya antu aingi ali nu umi ndakai limwi nayo yangatandika ukuombela Leza, nupya nayo kwene yalapusuka. Acino fwandi asi sweswe tulinzile ukupingula aalapusuka nanti aatalapusuka. Uwapelwa insambu zya kupingula a Yesu.—Yoane 5:22, 27.