Jerkakbiji Eo An Jisõs Ñõn Ien Eo Paul E Ar Kalibus

Ilo ran eo ken ka jilu elikin an mij, Jisõs e ar jerkakbiji. Ilo ran eo e ar weaklok ñõn ro dri kaloran lailim alen. Jisõs e ar weaklok wõt ñõn ir iomin 40 ran. Inem, ke jet ian ro dri kaloran r’ar lale, Jisõs e ar wonliñlok ñõn lõñ. Elikin joñoul ran, Anij e ar lutõklok jitõb kwojarjar ion ro dri kaloran Jisõs im r’ar kõttar ilo Jerusalem.

Tokelik, dri kijirat ro an Anij r’ar kalibusi dri jilik ro, ak juõn enjel e ar kotlok ir. Dri kalor eo etan Stipen e ar mij ke ro dri jumae r’ar kare kin dreka. Ak jej katak kin wãwen Jisõs e ar kãlet juõn ian dri jumae rein bwe en dri korijeran, im e ar erõm dri jilik Paul. Inem, jilu jimõttõn yiõ elikin mij eo an Jisõs, Anij e ar jilkinlok dri jilik Piter bwe en kwalok ñõn Korniliõs, juõn armij in dri ailiñ ko, im famili eo an.

Tarrin 13 yiõ elikin ien in, Paul e ar ilok ilo tirep in kwalok nan eo an ken ka juõn. Ilo tirep eo an ken ka ruo, Timote e ar kobalok iben Paul. Jej katak kin wawen Paul im ro r’ar ilok iben r’ar iion elõñ men ko ilo air jerbal ñõn Anij. Eliktata, r’ar likit Paul ilo prisõn eo ilo Rom. Elikin ruo yiõ r’ar kotlok e, ak r’ar bar likit e ilo prisõn im mõn e. Men ko me MÕTTÕN EO KEN KA 7 ej konono kaki r’ar walok iomin tarrin 32 yiõ.