Men Ko Baibel Ej Kanan Kaki Re Jejjit Kitiir

Baibel eo ejjab baj kwalok wõt mol eo kin men ko im r’ar walok ilo ien ko lok, ak ej bareinwõt kwalok kin men ko re naj walok ilo ien ko rej itok. Armij ro re ban kwalok kobban ilju. Eñin unin ar jela bwe Baibel eo ej jen Anij. Ta eo Baibel ej ba kin ran ko rej itok?

Ej kwalok kin juõn tõrinae elap an Anij. Ilo tõrinae in Anij e naj karreo lõl jen men ko otemjej re nana im armij ro re nana, ak e naj kejbarok ro im rej jerbal ñõn e. Kiñ eo an Anij, Jisõs Kraist, e naj kejbarok bwe ro dri korijeran Anij ren lo ainemõn im mõnõnõ, im bwe ren jamin bar nañinmij ak mij.

Je maroñ mõnõnõ bwe Anij e naj kõmõn juõn paredais ekãl ion lõl, jejjab ke? Ak eor juõn men jej aikwij in kõmõne elañe je naj bõk mour ilo paredais in. Ilo bwebwenato eo eliktata in buk in jej katak kin men eo jej aikwij in kõmõne bwe jen mõnõnõ kin men ko relap me Anij e ar kejbaroki ñõn ro rej jerbal ñõn e. Inem kwon konono kin MÕTTÕN EO KEN KA 8 im ekatak kin men ko me Baibel eo ej kanan kaki kin ran ko rej itok.