Ta eo Baibõl̦ Ej Ba?

Ewõr ke etan Anij?

JET ARMEJ REJ BA bwe ejjel̦o̦k etan, ak ro jet rej ba bwe ãt eo etan ej Anij ak Irooj. Bõtab, ewõr bar jet rej ba bwe elõñ ãt ko etan Anij. Ta l̦õmn̦ak eo am̦?

EKKAR ÑAN BAIBÕL̦

“Kwe wõt, im etam̦ Jeova, Kwe eo eutiejtata ioon aolepen lal̦ in.”​—Sam 83:18.

TA MEN KO JET BAIBÕL̦ EJ BA?

• Meñe elõñ taitõl̦ ko an Anij, ak ewõr juon wõt etan me ear kõjenolo̦k ñan e make.​—Exodus 3:15.

• Ejjab pen ñan jel̦ã kajjien Anij; ekõn̦aan bwe jen jel̦ã kajjien.​—Jerbal 17:27.

• Ad jel̦ã etan Anij ej men eo jinointata emaroñ jipañ kõj bwe jen jino juon jem̦jerã ippãn.​—Jemes 4:8.

Ebõd ke ñan kõjerbal etan Anij?

TA L̦ÕMN̦AK EO AM̦?

• Aet

• Jaab

• Jet iien

EKKAR ÑAN BAIBÕL̦

“Kwõn jab ba pata etan Jeova am̦ Anij.” (Exodus 20:7) Iien eo wõt ebõd ñan kõjerbal etan Anij ej ñe juon ej kõjerbale ilo juon wãween ejjab ekkar im ejjab kwal̦o̦k kautiej. —Jeremaia 29:9.

TA MEN KO JET BAIBÕL̦ EJ BA?

• Jijej ear jel̦ã kõn etan Anij im ear kõjerbale.​—Jon 17:25, 26.

• Anij ej rõjañ kõj bwe jen kõjerbal ãt eo etan ñe jej jar ñane.​—Sam 105:1.

• Ro rej jum̦ae Anij rej kõm̦m̦an bwe armej ro ren jaje im mel̦o̦kl̦o̦ke etan.​—Jeremaia 23:27.