Yearbook Eo—Juõn Book in Kõketak Eaorõk
1 Report im bwebwenato ko kin jerbal ko rekabwilõñlõñ an Jehovah rar einwõt men in kaemololo ñan ri karejar ro an Anij. (Job 38:4, 7; Ken. 25:25; Luk 7:22; Jerbal 15:31) Eñin unin yiõ otemjej jen 1927 book eo Yearbook of Jehovah’s Witnesses ej juõn book in kõketak eaorõk.
2 Kajjojo Yearbook ej kwalok report ko remõn jen belakin lal kin jerbal ko im tõbrak ko an Ri Kennan ro an Jehovah. Bwebwenato ko ñan kakajur tõmak rej kalikare tel, kejbãrok, im kajerammõn eo an Jehovah ion armij ro an. Yearbook eo ej jiroñ kij kin lõmaro im limaro retiljek im rar etal jen family ko air, jerair, im kabijukneir ñan bõklok katak ko remol an Bible ñan armij ro ilo ailiñ otemjej im ene ko retolok tata.
3 Yearbook eo emwij an kamakit elõñ ri konono ro ñan kalaplok jerbal ko air ñan Anij. Juõn ri konono ear je: “Ejabwe mõkaj in aõ maroñ readi. Bwebwenato ko emwij aõ readi ñan kiõ elap air kar rejañ iõ. Ej kamakit iõ bwe in kalaplok jerbal eo aõ ñan kwalok nan kin news eo emõn ñe ij lo jerbal eo armij ro jet rej kõmmane meñe rej bed ilo abañ.”
4 Kwoj bõk ke tokjen eo elaptata jen men in kõketak in einjuõn? Ñan kõmman men in, kwon readi Yearbook eo ñe kwoj bõk copy eo am. Inem iaolepen yiõ eo, bar eliji bwebwenato ko rejejjet komij aikwiji ñan kõketak kwe im family eo am.