Elij Kin Theocratic Ministry School

Elij in book eo me ej kilek kin men ko kar katak kake ilo Theocratic Ministry School ilo week ko jen September 3 ñan December 24, 2001. Kajerbal bar juõn paper ñan je uak ko ñan joñan kajitõk ko kwomaroñ uaki iumin ien eo kar karõke.

[Lale: Ilo ien elij, Bible eo wõt kwomaroñ kajerbale ñan uak jabdewõt kajitõk. Etan book ko rej walok elikin kajitõk ko rej ñan am make etale. Number in peij im paragraph ko remaroñ jab walok ilo aolep ijjitõñ ko ñan Imõniaroñroñ.]

Uak kajjojo nan ko ilal Mol ak Jab Mol:

1. Ke tõmak ej leen jitõbõn Anij, armij ro ejelok air tõmak rejjab jibadõk air bõk jitõb en, ak rej kõmmane kin juõn un ebwid ak rej jumae an jerbal ilo mour ko air. (Luk 11:13; Gal. 5:22) [rs p. 129 par. 1]

2. Sam 58:4 ejimwe an kwalok bwe cobra eo ewõr ‘lojilñin’ me ejjab jerbal kin an jaroñroñ. [Konono Bible; lale Rbi8 p. 1583.]

3. “Jar elap” in kõrã ro me Sam 68:11 ej konono kake kar kõrã ri kamakoko an ruwamaejet ro me maan in Ri Israel ro rar kanemkwoj ir ke rar anjo ion ailiñ in ri kijirãt ro. [Konono Bible; lale w86 10/15 p. 30 par. 6.]

4. Elañe ien im wãwen mij an kajjojo armij kar karõke kadede ilo ien lotak eo an ak mokta jen ien eo, enaj kar ejelok aikwij ñan kejbãrok e jen wãwen ko rekauwatata ak ñan kejbãrok ejmour eo an, im wãwen ko ñan kejbãrok rejamin ukõt joñan ro rej mij. [rs p. 138 par. 3]

5. Nan ko an Paul “Ejelok armij en kejekron yuk kin am likao” ej kalikar bwe Timothy kar juõn jodikdik wõt ak ilo yiõ ko jinoin in an 20 jima yiõ dettan. (1 Tim. 4:12) [w99 9/15 p. 29 par. 1-3; p. 31 par. 2]

6. Einwõt kar je ilo Sam 110:1, “aõ Iroij” ej jitõñlok ñan Jesus. [Konono Bible; lale w94 6/1 p. 28 par. 5.]

7. Ilo book in Sam Ko, etan Jehovah ej walok enañin 700 alen, im ilo wãwen kakaduki “Jah,” 43 alen, inem koba aolep ãt in ekwojarjar ej walok enañin 5 alen ilo kajjojo Sam. [si p. 104 par. 23]

8. Meñe Jeje Ko rej konono kake Jesus einwõt “juõn anij,” im “Anij E Kajur” bareinwõt, ejelok juõn eon ej konono kake einwõt Anij Laplap. (Jon 1:1, New World Translation; Ais. 9:6 NW; Jen. 17:1) [rs p. 150 par. 2]

9. Juõn katak kin book in Jabõn Kennan Ko, ilo mol, ej juõn katak kin meletlet eo an Solomon. [si p. 106 par. 1]

10. Nan in kakabilek eo ilo Bible, me jemaroñ loe ilo Jabõn Kennan Ko 21:17, ñan bõprae “men in kamõnõnõik e” ej kalikar bwe ebwid bukõt men in kamõnõnõ ko kinke ej bõk ien jen men ko raorõklok. [Konono Bible; lale w97 10/1 p. 27 par. 7.]

Uak kajitõk ko ilal:

11. Kauwe eo ejoij an Jesus ñan Martha ear kalikar ta? (Luk 10:40, 41) [w99 9/1 p. 30 par. 7]

12. Jehovah ear bõk ri jeje psalm ñan “aibujuij” ta eo? (Sam 73:24) [Konono Bible; lale w86 12/15 p. 28 par. 3.]

13. Lemnak ta eo kin jerbal ko ewõr kõtair ñan kabuñ ri jeje psalm ear kwaloke ilo nan ko emwij je ilo Sam 84:1-3? [Konono Bible; lale w97 3/15 p. 8 par. 5-7.]

14. Ewi wãwen Reveles̃õn 22:17 im Dri Rom 2:4, 5 rej kwalok bwe Jehovah ejjab jelã lok iman ak karõk lok iman men otemjej armij rej kõmmani? [rs p. 141 par. 1-2]

15. Ke Ri Christian ro jinoin rar tõmak ilo Juõn Thousand Yiõ Iroij eo an Jesus einwõt book in Reveles̃õn ej konono kake, ta men ko rar kamakit Ri Christian ro re buñ jen tõmak ñan karmijeteik katak in ekwojarjar? [w99 12/1 p. 6 par. 3–​p. 7 par. 5]

16. Ilo air “lale men ko” an ro jet ewi joñan Ri Christian ro rej aikwij kõmmane men in? (Phil. 2:4, NW) [w99 12/1 p. 29 par. 1]

17. Ta melelen nan ko ilo Sam 128:3 ñe ej ba bwe lõmaro nejõm rej einwõt “wijki ko redrik wijki oliv” iturin table an juõn emaan? [Konono Bible; lale w00 8/15 p. 30 par. 4.]

18. Elañe jej lo bwe jerbal eo an Anij ej men in kalelñoñ im bwilõñ, ewi wãwen an men in naj jelet kij? (Sam 139:14) [Konono Bible; lale w93 10/1 p. 15 par. 18.]

19. Etke Jabõn Kennan Ko 5:3, 4 ej konono kin tokjen mour in lũñ einwõt an “meo jen kabijlõñ” im “ekõñ einwõt juõn jãji ruo mejen”? [Konono Bible; lale w00 7/15 p. 29 par. 2.]

20. Ilo errã ibben Jabõn Kennan 14:29, ewi wãwen lolokjen emaroñ jibañ kij ñan bõprae tokjen ko rej itok jen mõkaj an illu im illu eo ejelok debdeb ie? [Konono Bible; lale w97 3/15 p. 13 par. 7-8.]

Kanne nan eo ak nan ko rej aikwiji ñan kadedelok nan ko ilal:

21. Ri kanan ro remol rar konono _________________________ im kalikar _________________________. (Dut. 18:18-20; 1 Jon 4:1-3) [rs p. 132 par. 3; p. 133 par. 2]

22. Ewõr ruo unin Jabõn Kennan Ko​​—ñan lelok _________________________ im ñan lelok _________________________. (Ken. 1:1-4) [w99 9/15 p. 13 par. 1]

23. “Jikin etino an Eo eutiejtata” ej juõn jikin _________________________ an ro rej errã ibben Anij kin aitwerõk eo kin _________________________; ej “etino,” ak jaje kake, ñan armij ro _________________________. (Sam 91:1) [Konono Bible; lale w86 12/15 p. 29 par. 6.]

24. ‘Jab meloklok kin men in kajerammõn ko otemjej an Jehovah’ rej ekkejel ion am _________________________ kin “men in kejerammõn ko An,” jerbal ko an rej yokwe me Sam 103 ej kwalok kaki. (Sam 103:2) [Konono Bible; lale w99 5/15 p. 21 par. 5-6.]

25. Juõn jabõn kennan ej juõn nan ewõr melele eo ej kajerbal juõn men _________________________ im kar eiki ñan _________________________. [si p. 107 par. 6]

Kãlet uak eo ejimwe ñan kajjojo nan ko ilal:

26. Meñe ear wõr unin an illu kin wãwen an Saul jerbal ibben, David ear kwalok jatõr kinke (ear kile bwe Saul ear jab wãppen im ri karejar ro an Anij rej aikwij jeorlok bwid; ear lemnak kin kõtan eo an ibben Jehovah; ear jelã bwe ebwid ñan ekajete armij). (1 Sam. 24:6, 15) [w99 8/15 p. 8 par. 7]

27. (Meletlet; Nan in Katak; Wãnik) ej juõn kakobaba in elõñ men ko, ekoba melele, lolokjen, jelãlokjen, im lemnak jimwe; (lejokmen; melele; ekajet emõn) ej maroñ eo ñan lo juõn men im kile wãwen ejaakin mõttan ko ñan eyu in, im ilo wãwen in melele kake. (Ken. 1:1-4) [w99 9/15 p. 13 par. 2]

28. Kajur eo an Joseph ñan jumae men in kabo ko an lio belen Potiphar ear itok jen (jelãlokjen eo an kin Kien eo ikijen Moses, eo ear kananaik mour in lũñ; juõn mijak emõn kin utiejen leo belen; an kaorõk kõtan eo an ibben Jehovah). (Jen. 39:7-9) [w99 10/1 p. 29 par. 3]

29. Ri jeje eo kin Sam 119 ealikar an wõr an kamolol emũlal kin (nan eo, ak kien eo, an Anij; men in letok eo kin mour; kejatdikdik eo kin lomor), eo enañin aolep eon ko ilo psalm rej konono kake. [Konono Bible; lale w99 11/1 p. 9 par. 5; w87 3/15 p. 24 par. 2.]

30. Ilo katak ko ruo jinoin ilo letter eo an Paul ñan Ri (Rome; Galetia; Hebrew), jej lo elõñ nan ko ear eliji jen Sam Ko ikijen (utiej; baptais; jerbal in kwalok nan ion lal) eo an Jesus Christ. [si p. 105 par. 28]

Karõk eon kein ibben nan ko ilal: Ken. 2:19; 14:15; 18:17; Rom 10:17; Hib. 13:18

31. Bwe en wõr an tõmak, juõn armij ej aikwij jelã mokta ta eo Bible ej ba im lukkun etale. [rs p.130 par. 3]

32. Ri Christian ro rejjab maroñ bõk manit in business ko rejjab mol ak kajekdon emõn ko ñan ro jet. [w99 9/15 p. 10 par. 2]

33. Ro rej kõmman mour in lũñ remaroñ tõbar joñan eo ejelok bar jeblak, melelen mij, mokta jen remaroñ jeblak. [w99 11/15 p. 27 par. 4-5]

34. Juõn armij emeletlet im lolokjen ej lale tokjen ko kin kõmman ko an im ejjab kiil mejen im lor juõn manit ekãl kin wõt an buñbuñ. [Konono Bible; lale g94 12/8 p. 16 par. 1.]

35. Meñe nan in kamol ko an juõn armij emaroñ einwõt ejimwe im emõn, ej juõn men in meletlet ñan eoroñ kamelele eo an eo juõn mokta jen kwoj bõk juõn jemlok. [si p. 111 par. 36]