Box In Kajitõk

◼ Etke jej aikwij mõkaj im reporte jerbal in kwalok nan eo ad ilo kajojo alliñ?

Kij aolep jej lõñliñ ñe jej roñ kin men ko remõn rej kõtõbraki ilo jerbal in kwalok kin ennan eo an Ailiñ eo. (Lale Jabõn Kennan 25:25.) Jerbal 2:41 ej report bwe elikin katak eo ekamakitkit an Peter ilo ran in Pentecost eo, “e nañin jilu tausan armij rej koba na ibeir.” Ejjabto tokelik, oran in ear laplok ñõn “e nañin lailim tausan.” (Jerbal 4:4) Elap an kar report kein kamõnõnõik Christian ro ilo ebeben eo kein kajuõn! Jej emakit ilo ejja wãwen eo wõt ñõn report ko rej rejañ kij ilo ran kein. Jej mõnõnõ in roñ kin tõbrak ko ro jeir im jatir rej lõñliñ kake ilo jerbal in kwalok nan kin news eo emõn ibelakin lõl.

Kinke ej kitibuj elap ien im jerbal ñõn aini im kakobaik report rot kein, jerbal ibben don an kajojo ri kwalok kin Ailiñ eo ej juõn men in aikwij. Kwoj niknik ke in kadeloñ report eo am ilo mõkaj ilo kajojo alliñ?

Report kin laplok ko rej bõktok elap lõñliñ ñõn kij. Bareinwõt, report ko rej jibañ Society eo ñõn lale wõnmanlok kin jerbal eo ibelakin lõl. Bebe ko rej aikwij kõmmõni ikijen ia eo elaplok jibañ ko rej aikwiji ie ak kain rot im ewi joñan book im magazine ko rej aikwij kõmmõni. Elder ro ilo kajojo congregation rej kajerbal report in kwalok nan ko ñõn bebe ia eo remaroñ kakõmõnmõnlok ie. Report ko remõn rej kaketak, im kamakit kij aolep ñõn etale jerbal eo ad make ñõn lale ia eo jej aikwij kakõmõnmõnlok ie.

Aolep ri kwalok ro rej aikwij kile eddo eo air kajojo ñõn kadeloñ report in kwalok nan eo air ilo mõkaj. Congregation Book Study conductor ro remaroñ kakememej ri kwalok ro kin eddo in, kinke rej bojak bareinwõt ñõn lelok jibañ ñõn ro ebin an keini air kwalok nan ilo kajojo alliñ. Kakememej in remaroñ kõmmõne ilo book study eo eliktata ilo kajojo alliñ ak ilo bar juõn ien ekkar. Elañe ejelok ien ñõn kadeloñ report in kwalok nan ko ilo Kingdom Hall, Congregation Book Study conductor eo emaroñ aini im leloki ñõn secretary eo ilo mõkaj bwe en maroñ kobaiki ilo report eo kajojo alliñ an congregation ñõn Society eo.

Ad kate kij ñõn report ilo tiljek jerbal in kwalok nan eo ad ilo mõkaj ej kõmmõn bwe eddo eo en mera lok ñõn ro rej bõk eddon mour in jitõb eo ad.