Bõk Kwunam ilo Jerbal eo Me Ejamin Bar Walok
1 Ilo jet ien ko ilo bwebwenato in armij, ear juõn men in aikwij bwe Jehovah en ekajete ri kijirat ro an. Bõtap, kin tiriamokake eo an, ear lelok ñõn ro emõn burueir juõn ien emõn ñõn bõk lomor. (Sam 103:13) Uak eo air enaj kar bebeik jemlokiir.
2 Ñõn wanjoñok, mokta jen ibwijleplep eo, ilo yiõ eo 2370 B.C.E., Noah kar juõn “dri kwalok ekwojarjar.” Ro rar mij rar ro me rar kajekdon kakkil eo ekwojarjar. (2 Pet. 2:5; Hib. 11:7) Mokta jen jebeplok eo an Jerusalem ilo 70 C.E., Jesus ilo alikar ear kalãjrak men ko rar aikwij kõmmõni ñõn deor jen jorrãn eo enaj kar buñ ion jikin kwelok eo. Aolep ro rar kajekdon ennan in kakkil eo an rar iion jorrãn. (Luke 21:20-24) Nan in kakkil in ekajet rot kein rar walok elõñ alen ilo bwebwenato in armij
3 Juõn Jerbal in Kakkil ilo Ran Kein: Jehovah jen ien ko etto ear keañ bwe illu eo an naj walok nae jukjuk im bed in enana rainin im bwe ro etã burueir wõt renaj bõk lomor. (Zeph. 2:2, 3; 3:8) Ien eo ñõn kwalok ennan in kakkil in ej mõkaj an maatlok! “Iñtan eo elap” ej bed iman wõt, im ro etã burueir rej aini ir kiõ. Emol, “jikin kallip ko remouj ilo ien marmir.” Kin men in, ejelok bar juõn jerbal jemaroñ keiri ibben jerbal in ikijen aorõkin im joñan an ekaiuriur.—Mat. 24:14, 21, 22; John 4:35.
4 Jej aikwij bõk kwunad in kwalok kin nan in kakkil eo ilo ran kein ñõn ro jet, “meñe rej eoroñ ak jab.” Men in ej juõn jerbal letok in Anij me jen jab kajekdone. (Ezek. 2:4, 5; 3:17, 18) Ad bõk kwunad ilo jerbal in joñan wõt ad maroñ ej kwalok yokwe eo ad emwilõl kin Anij, itoklimo eo ad emol kin ro ri turud, im tõmak eo ad ebin ilo ri Lomor eo ad, Jesus Christ.
5 Kiõ Ej Ien ñõn Emakit: Elikin ekajet ko an Jehovah ilo ien ko remotlok, nana ilo ien otemjej ear bar walok kinke Satan im demon ro an rej jerbal wõt. Bõtap, ilo ien in enaj oktak. Kilan Satan naj joloke, rejamin kijenmij kake nana, im juõn nan in kakkil ibelakin lõl rejamin bar aikwiji. (Rev. 20:1-3) Ewor ibbed jerammõn eo ejej uan ñõn bõk kwunad ilo jerbal in me ejamin bar walok. Kiõ ej ien eo ñõn ad kortokjen ien in emõn.
6 Ikijen jerbal in kwalok nan eo an, ri jilek Paul, kin liki eo elap, ear ba: “I’reo jen bõtõktõkin armij otemjej.” (Jerbal 20:26) Ear jab eñjake an wor ruen kin bõtõktõk ikijen jabdewõt likjap in kwalok kin nan in kakkil eo. Etke jab? Kinke ear maroñ ba kin jerbal in kwalok nan eo an: “Ñõn eo ij bareinwõt jerbal im kate iõ ekar ñõn jerbal eo An.” (Kol. 1:29) Jen lõñliñ kin ejja juburu eo wõt kin ad bõk kwunad joñan wõt ad maroñ ilo jerbal eo me ejamin bar walok!—2 Tim. 2:15.