Ta Kin Ro Nukum?

¹ Enañin kij aolep ewor elõñ ro nukud me rejjab bed ilo mol eo. Elap ad kõnan bwe rein rejitenburu ibbed ren koba ibbed ilo ial in mour! Itoklimo eo ad kin ilju eo air ej indio ej laplok ñe rej ro uan mweo imwed. Meñe jaar kajeoñ iumin elõñ yiõ ko ñõn kaitoklimoir ilo mol eo, jen jab bõk jemlok eo bwe wãwen eo ejelok kejatdikdik.

² Ke Jesus ear kõmmõn jerbal in kwalok nan eo an, “ro jãtin re jab liki E.” (John 7:5) Ilo juõn ien, ro nukun rar lemnak bwe ear bwebwe. (Mark 3:21) Ak, Jesus ear jab ebwer jen ir. Tokelik, ro jaten rar bõk mol eo. (Jerbal 1:14) James eo jaten ear erom juõn jur ilo congregation in Christian eo. (Gal. 1:18, 19; 2:9) Elañe kwo kõnan bõk lõñliñ eo ñõn lo ro nukum bõk mol eo, jab bõjrak jen am kajeoñ in jibarõk ir kin news eo emõn kin Ailiñ eo.

³ Kwon kemourur, Jab Kaddodo: Ke Jesus ear kwalok nan ñõn ro jet, ro rar roñjake rar eñjake air emourur, jab edodo. (Mat. 11:28, 29) Ear jab kaddo ir kin katak ko me rar jab maroñ melele kake. Ñõn kemourur ro nukum kin den ko den in mol, lelok ñõn ir juõn cup ilok juõn, jab juõn bucket ebol kin den! Juõn overseer eo ej ito-itak ear lo: “Tokjen ko remõntata rej walok ñõn ro rej kaitoklimoen ro nukiir ilo air kwalok nan ñõn ir jidik kin jidik.” Ilo wãwen in, meñe ro rej jumae remaroñ jino kwalok jet kajitõk ko im tokelik kaddek juõn maro kin mol eo.​—1 Pet. 2:2; keiri 1 Korint 3:1, 2.

⁴ Elõñ Christian ro emwij air mare rar kwalok nan ilo bolemen ñõn ro beleir rejjab tõmak ilo air doori book ko emwij kabelloki ñõn katak ko me remaroñ kaitoklimoir. Juõn sister eo ear kõmmõn men in ear bareinwõt katak ibben ro nejin ilo juõn jikin ebak bwe leo ibben en maroñ roñjake, im kwalok kamelele ko me leo emaroñ bõk tokjen jen e. Jet ien ear kajitõk ibben: “I ar katak kin men in ilo katak eo aõ rainin. Ta eo kwoj lemnak kake?” Tokelik leo belen ear bõk mol eo.

⁵ Kwon Kwalok Kautiej, Jab Illulu: Juõn ri kwalok nan ear ba bwe “meñe ro nukud ewor air maroñ in wor lemnak ko air make.” Inem jej aikwij kwalok kautiej ñe rej kwalok lemnak ko air ak ñe rej ba ilo alikar bwe jen jab konono ñõn ir kin mol eo (Ekl. 3:7; 1 Pet. 3:15) Ilo ad kwalok meãnwõr im yokwe im ilo ad juõn ri roñjake emõn, jemaroñ bukõt ien ko remõn ñõn kwalok nan ilo jab alikar. Meãnwõr rot in ewor tõbrak, einwõt jemaroñ loe ilo juõn case kin juõn Christian leo belele eo ear kijenmij ilo meãnwõr jumae eo an lio belen ejjab tõmak iumin 20 yiõ ko. Ke ear jino oktak, ear ba: “Elap aõ kamolol Jehovah bwe ear jibañ iõ kaddek leen jitõb eo kin meãnwõr, kinke I maroñ kiõ lo tokjen eo: “Lio beliõ ear jino etetal ilo ial in mour!”

⁶ Ta kin ro nukum? Emaroñ bwe ikijen mwilin Christian emõn im jar ko am kin ir, “kwomaroñ karel ir ñõn Jehovah.”​—1 Pet. 3:1, 2, footnote.