Jibañ Family ko ñõn Lo Lemõnõnõ
1 Dolul in family eo ej dolul eo etto tata an bed ion lõl im ej kõmmõn juõn jerbal eaorõk ilo jukjuk im bed in armij. Ilo bwebwenaton armij, family ko rekajur rar jibañ ñõn kõmmõn jukjuk im bed ko rekajur. Bõtab, ekaburomõjmõj in ba bwe family ko rainin rej bed ilo kauatata, rej jelmae elõñlok abañ ko jen mokta. Ijibed im abañ ko rej jelet family ko rainin kar kanan kaki elõñlok jen 2,000 yiõ ko remotlok. (2 Timothy 3:1-4) Inem, ia eo family ko remaroñ lo tel eo remaroñ liki ie? Uak eo jemaroñ loe ilo Bible eo, ejja book eo wõt ear kanan ilo tibdikdik kin wãwen ko rej iioni rainin. Ilo March jemaroñ jibañ family ko ñõn lo mejelan abañ ko air ikijen ad lelok ñõn ro emol air itoklimo book eo Kõmõn Bwe Am Mour in Famili En Le Mõnõnõ. Kwo maroñ kõnan kajeoñ ennan kein in tok.
2 Kinke ro jemen im jinen rej itoklimo ñõn kejbarok ajiri ro nejiir, kwo maroñ lo bwe wãwen in ej bolemen:
◼ “I jela kwonaj errã bwe kejbarok juõn family rainin ej juõn aitwerõk emol. Ta eo kwoj lemnak enaj kejbarok ro nejõm jen kilan ko renana? [Kõtlok an uak.] Ijin ej jet kakabilek ko remõn me iar kamolol kaki.” Eliklok ñõn katak rualitõk ilo book eo Mour in Famili im konono paragraph 28 ilo peij 111. Kamelele bwe book eo ej obrak kin tel ko rej jokkin wõt juõn me remaroñ lukkun jibañ ñõn kejbarok family ko jen kilan ko rej kokkure. Elañe ri mweo ej kalikar an mol an itoklimo, lelok book eo, im lelok ñõn e juõn ien emõn ñõn letok jidik jabawot ñõn jerbal eo ad ibelakin lõl. Kõmmõn karõk ko ñõn bar jeblak.
3 Ñe kwoj kõmmõn bar jeblak ko, kwo maroñ wõnmanlok ilo bwebwenato eo am ilo am ba:
◼ “Ke iar itok mokta, iar maroñ lo bwe emol am kar itoklimo kin ajiri ro nejõm im kwar kõnan kõmmõn joñan wõt am maroñ ñõn kejbarok ir jen kilan ko rebwid. Bõlen ejañin kar wor am ien ñõn konono book eo iar door ibbõm, ak ewor jet kakabilek ko reaorõk iloan me ikõnan kwaloki. [Konono paragraph 12 ilo peij 119.] Anij ej letok jibañ ñõn family ko ikijen Nan eo an emwij jeje, Bible eo. Kwo kõnan ke bwe in kwalok ewi joñan an bidodo ñõn katak Bible eo einwõt juõn family?”
4 Elañe juõn news ekãl ikijen kowadoñ ear bed ilo lemnak ko an armij, kwo maroñ kajeoñ wãwen in:
◼ “Bõlen kwar roñ kin [kwalok bwebwenato in news eo]. Kin aolep inebata ko me mour ilo ran kein rej bõktok iod, kwoj eñjake ke bwe emaroñ wor juõn mour in family elemõnõnõ im ejelok uata ie? [Kõtlok an uak.] Bible eo ej kamol ñõn kij bwe emaroñ. Elañe kwoj itoklimo in jela ta eo Bible ej ba kin mõnõno ilo mour in family, kwo maroñ mõnõno in readi book in.” Kwalok kobban book eo Mour in Famili im jitõñlok ñõn jilu ak emen unin tel in katak ko reoktak jen don. “Einwõt kwo maroñ lo, book in ej etale elõñ wãwen ko rekaitoktoklimo kin kakabilek ko an Anij ñõn family ko. Elañe kwo kõnan kalaplok am katak kake, kwo maroñ bõk copy in.” Kwalok kin lãjrak in jabawot eo, inem kõmmõn karõk ko ñõn bar jeblak, im jei ilo record eo kin itoklimo ko im inebata ko an armij eo.
5 Ñe kwoj bar jeblak, kõmmõn bwe ennan eo am en jejjet ñõn ri mweo. Bõlen kwo maroñ ba:
◼ “Ien eo eliktata kijro ar bwebwenato ibben don, iar kamolol bwe kwoj kautiej Bible eo einwõt kein tel eo an Anij ñõn mõnõnõ ilo mour in family. [Elij jet nan ko ri mweo ear ba mokta.] Iar lo jet katak ko me ij lemnak kwonaj itoklimo kaki.” Kabellok Jen Kõmmõne brochure eo ñõn katak 8. Konono im bwebwenato kin paragraph ko ilo katak eo ilo joñan eo ri mweo ej kwalok an itoklimo wõt. Elikin am karõk juõn ien ñõn bar jeblak ñõn wõnmanlok ilo katak eo, kameleleik ri mweo kin Public Meeting (kwelok) eo an congregation, im kirtok e ñõn itok.
6 Elañe kwo kõnan juõn ennan elamwan me ej kwalok kin juõn tract, kwomaroñ ba men in:
◼ “I kõnan lewõj tract in etan Mõnõnõ Kin Mour in Family.” Lelok e ñõn ri mweo, im kir e ñõn lor yuk ñe kwoj konono paragraph ko ruo jinoin. Kõtlok ñõn an uake kajitõk ko rej bõkmantak kaki ilo paragraph eo kein karuo. Konono paragraph eo kein kajilu, inem eliklok ñõn peij 8 ilo book eo Mour in Famili, im jitõñlok ñõn unin tel eo edik “Itok Limo An Anij Ilo Drolul in Famili Eo.” Wõnmanlok im ba: “Book in ej letok nan in kakabilek ko rejejjet kin ewi wãwen Bible eo emaroñ jibañ family ko ñõn anjo ion abañ ko im lo mõnõnõ. Elañe kwo naj readi, kwo maroñ bõk copy in.” Lelok ñõn ri mweo ien eo emõn ñõn jabawot ñõn jerbal eo ad ibelakin lõl, im karõk kin juõn bar jeblak.
7 Elõñ family ko ibelakin lõl rar lo mõnõnõ ilo air bõk nan in kakabilek eo ilo Bible im jerbale. Jen jaketo-jaketak book eo Mour in Famili ilo joñan eo elaptata bwe armij ro ijoko otemjej ren maroñ bõk jibañ jen Nan in Anij ñõn lo juõn ilju elemõnõnõ.—1 Tim. 6:19.