Ewõr ke Juõn Am Order in Magazine ko?
1 Kwo nañin ke etal ñan kwelok eo ñan kwalok nan im lo bwe ejelok magazine ko ilo ieb in kwalok nan eo am? Eokwe, kememej September 1995 Ad Jerbal Ñõn Ailiñ eo ilo insert (peij eo iloa) eo etan “Kejerbal Magazine Ko Ad ilo Wãwen Eo Emõntata.” Ear jiroñ kij bwe “en wor juõn order in magazine eo am kadede,” ilo an ba: “Kwon likit juõn am order in magazine ibben brother eo ej lale jikin magazine im kalikkar kin jete copy ko kwokõnan bõki. Ilo wãwen in, kwe im family eo am renaj bõk juõn joñan emmõn in magazine ko.” Kwar kõmman ke men in?
2 Etke kwojjab likit juõn am order kin magazine ko? Kwonaj eñjake juõn eddo elaplok ñan jaketo-jaketak magazine ko week ko otemjej, im kwonaj lo juõn lañliñ elaplok ilo am kõmman eindein. Elañe ewõr juõn am order kadede, bar lale elañe kwoj bõk juõn joñan eo kwoj aikwiji ilo juõn alliñ ilo jerbal in kwalok nan. Emol, jekõnan tiljek in bõk order eo ad kajjojo week im jej aikwij eñjake bwe ej juõn eddo ñan ad kõmman eindein. Elañe enaj to am jako jen congregation eo am, kejelãik armij eo ej lale jikin magazine elañe kwo kõnan bwe en lelok magazine ko am ñan ro jet mae ien kwoj bar jeblak.
3 Ejja insert eo wõt ear bareinwõt ba bwe jej aikwij “karõk juõn ran in lelok magazine.” Kwo maroñ ke rejetak Ran in Magazine eo kajjojo week? Einwõt ej kwaloke ilo 1999 Calendar of Jehovah’s Witnesses, men in ej walok ilo Saturday otemjej ilo yiõ eo! Jab kajettokjen aorõkin jaketo-jaketak Imõniaroñroñ im Awake! eo. Ñe jej kate kij ñan bõk kunad ilo jerbal in lelok magazine, jej “bõktok nan emõn” ñan ro ri turid.—Ais. 52:7.