Ro Jemen im Jinen—Likit Juõn Joñok Emõn ñan Ro Nejimi
1 Nan in Anij ej jiroñ kij “jemen [im jinen] eo dru wãnik, e naj kanuij mõnõnõ.” (Ken. 23:24, 25) Ej juõn jerammõn elap ñan ro jemen im jinen me rar likit juõn joñok emõn ñan ro nejiir! Juõn uan Branch Committee eo ear ba kin jemen im jinen: “Mour ko air ear keolaplape mol eo, im iar kõnan bwe en eindein ilo mour eo aõ bareinwõt.” Ta eo ajiri ro ren lo ilo jemeir im jineir?
2 Mwil Emõn im Kautiej: Ej eddo eo an ro jemen im jinen ñan katakin ro nejiir kadkad ko remõn. Rej katak mwil emõn, ejjab ilo air baj bõk wõt nan in jiroñ ko, ak ilo air loe im kajeoñe. Kin men in, kain mwil rot kwoj kwaloke? Ajiri ro nejõm rej roñ ke am ba “jolok bwid,” “joij,” im “kommol tata”? Ilo family eo, komij jerbal ke ibben don ilo kautiej? Komij roñjake ke ñe ro jet rej konono? Komij roñjake ke ñe ro nejimi rej konono ñan kom? Komij kwalok ke kadkad ko remõn ilo Kingdom Hall im ilo mweo jimor?
3 Mour in Jitõb Ekajur im Kijejeto ilo Jerbal in Kwalok Nan: Juõn brother eo ear bed ilo jerbal in full-time elõñlok jen 50 yiõ ko ej kememej: “Jinõ im jema rar juõn joñok emõn ilo air kwalok kamolol kin kwelok ko im ilo air kijejeto ilo jerbal in kwalok nan.” Ewi wãwen kwoj kwalok ñan ro nejõm bwe kwoj itoklimo in kejbãrok mour in jitõb eo an ro ilo family eo am? Komij etale ke ibben don unin tel in ran eo? Ej keini ke ami katak Bible einwõt juõn family? Kwoj lo ke an ro nejõm read Bible im book ko an Society? Ta eo rej roñ ñe kwoj jar ilo etan family eo? Kwoj bwebwenato ke ibben ro nejõm kin men ko rej kalek ilo jitõb, men ko remõn kin mol eo im congregation eo? Kwoj kijoror ke in bed ilo aolep kwelok ko im ñan bõk kunam ilo jerbal in kwalok nan einwõt juõn family?
4 Ro jemen im jinen, lemnak kin joñok eo komij likiti ñan ro nejimi. Kõmman bwe en joñok eo emõntata, im renaj kaorõke ilo aolepen mour ko air. Lio belen juõn overseer eo ej ito-itak, eo ej kiõ 70 jima an yiõ, ear ba: “Ij bõk wõt tokjen jen joñok eo emõn an Christian ro jema im jinõ rej yokwe. Im ij jar bwe inaj kwalok aõ kamolol kin men in jolet in ilo aõ kajerbale ilo ekkar jen kiõ im manlok.”