Elij Kin Theocratic Ministry School

Kajitõk ko ilal naj etali ilo konono ilo Theocratic Ministry School eo jino ilo week eo ilo August 29, 2005. School overseer eo enaj tel elij eo iumin 30–​minute ko eo ej wawa ion katak ko kar etali ilo week ko jen July 4 ñan August 29, 2005. [Lale: Ijo ejelok reference ko ie elikin kajitõk eo, kwoj aikwij make kõmman research ñan lo uak ko.​—Lale Ministry School, pp. 36-7.]

KILEN KONONO

1. Ñe jej kwalok kin kejatdikdik eo ad ibben ro jet, ewi wãwen jemaroñ kõmman bwe ad “kõmmanwa en walok ñõn armij otemjej,” im etke men in eaorõk? (Pil. 4:5; Jem. 3:17) [3, be p. 251 par. 1-3, box] Jej kwalok kõmmanwa ilo ad lemnak kin iminene ko, wãwen ko, im eñjake ko an eo jej konono ibben. Kobaik tõmak ko ad rebin im kijejeto eo ad ibben lolokjen im mõnõnõ in kõtlok ñe ekkar men in ej bareinwõt kwalok kõmmanwa. Men in eaorõk kinke konono ilo juõn wãwen ekajju im ewõr kalijeklok ie ekkã an kiil lemnak ko im buruen armij im rejamin mõnõnõ in roñjake.

2. Ewi wãwen jelã eo kin ñããt eo jej aikwij bõjrak ak kwalok kõmmanwa enaj jibañ kij ñan lo tõbrak ilo ad jerbal ibben ro jet? [5, be p. 253 par. 1-2] Meñe ewõr un ko relap ibbed ñan ad kamol lemnak eo ad, ewõr ien ñe enaj emõnlok bwe jen jab akwel. Ilo ad jab kajimwe nan ko rebwid men in ej letok ñan kij juõn ien emõn ñan ad lemnak kin juõn wãwen eo enaj wõr tõbrak ie. Ilo ad kememej bwe Jehovah ear lelok ñan armij maroñ eo ñan kãlet ej bareinwõt jibañ kij ñan jelã ñããt eo jej aikwij bõjrak. (Josh. 24:15; Ken. 19:11)

3. Etke kabel ilo wãwen eo jej kajerbal kajitõk ko eaorõk ñe jej jibañ ro jet ñan kõmmanwa kin juõn men? [6, be p. 253 par. 3-4] Kajitõk ko, ñe ebolemen wãwen ad kajerbali, rej lelok ñan armij ien eo emõn ñan air kwalok ta eo ej bed ilo burueir im ñan lemnak im kõmmanwa kin men eo rej etale. Ijellokin ad uak ilo mõkaj kajitõk ko im kõmman bwe en kij wõt jej konono, jemaroñ kajerbal kajitõk ko ñan jibañ ri katak eo lemnak im bõk jemlok ko rejimwe kin ta eo ej katak kake. (Luk 10:25-37)

4. Ta men ko jej aikwij lemnak kaki ñan ad kõmman bwe juõn ennan en kareel ro jet? [7, be p. 255 par. 1-4, box; p. 256 par. 1, box] Ro rej roñjake kij rejamin tõmak ak jerbale ta eo jej ba elañe rejjab tõmak bwe emol. Kin men in, jej aikwij kõmman bwe men eo jej katakin kake ewõr bedbedin ilo Nan eo an Anij emol, Bible eo. (Jon 17:17) Jej aikwij kate kij ñan lelok nan in kamol ko rekajuburu ñan jurake nan ko ad. Ijellokin ad baj ba wõt juõn men, jej aikwij lelok ñan ro jet un ko rebin ñan air tõmak men eo jej ba, im kememej bwe ri roñjake ro ad ewõr air jimwe ñan kajitõk: “Etke men in emol?”

5. Ta eo jej aikwij lemnak kake elañe jej bebe in kajerbal men in kamol ko rejjab wawa ion Bible ñan jurake meletlet eo kin Jeje Ko? [8, be p. 256 par. 3-5, box] Men in kamol rot in emol ej aikwij kwalok bwe men eo Bible ej ba ej errã ibben mol ko ralikar. Ej aikwij jejjet ñan mejenkajjik ko ad im ñan aikwij ko an ro jej konono ibbeir. Ien otemjej jej aikwij jino kin Nan in kakõrmol eo an Anij einwõt unjen eo moktata kin melele ko rejimwe inem jitõñlok ñan men in ellolo ko an science ak eliji nan ko an ri meletlet ro ñan jurake nan eo ad.

KATAK NO. 1

6. Ta men in kamol eo ealikar ej kwalok bwe Jesus ear lukkun juõn armij? [2, w03 6/15 pp. 4-7] Jesus ej armij eo elaptata an jelet ro jet ilo bwebwenato in armij. Ri jeje bwebwenato ro ilo ebeben eo kein kajuõn Josephus im Tacitus rar konono kin Jesus im ri kalor ro an, einwõt ri jeje eo ilo ebeben eo kein karuo Pliny eo Ediklok ear kõmmane. Katak ko an Jesus, einwõt ko jej loi ilo Katak eo an ion Tol eo, rar jelet mour ko an elõñ million armij ro. (Mat., chap. 5-7) Ennan eo kin air kar dilaiki Jesus, eo ej bed ilo Bible ak ejjab emõn ñan elõñ, ej kamol kin molin bwebwenato eo ilo Bible kin mour im jerbal eo an Jesus. (1 Kor. 1:22, 23) Bareinwõt, jerbal in kwalok nan eo an ri kalor ro rekijejeto an Jesus meñe rar jelmae jumae ej jurake mol eo kin bwebwenato in mour eo an Jesus. (1 Kor. 15:12-17)

7. Ewi wãwen “nan ko an dru wãnik re naj lomor ir,” im ewi wãwen mweo imõn ri wãnik “e naj jutak” wõt? (Ken. 12:6, 7) [3, w03 1/15 p. 30 par. 1-3] Ro ri wãnik rej jelã ta eo ejimwe im ta eo enana. Rej kwalok kejbãrok im meletlet ñan bõprae jorrãn, im rej kakkõl ak jibañ ro jet ñan air kõmman eindein. Rej jurak wõt men eo ejimwe meñe rej jelmae melejoñ ko.

8. Meñe kar jab je Bible eo einwõt juõn lajrak in ta ko jemaroñ kõmmani im ko jejjab maroñ kõmmani, ewi wãwen jemaroñ ‘jelalokjen ta eo ankil an Jehovah’? (Ep. 5:17) [4, w03 12/1 p. 21 par. 3–p. 22 par. 3] Ñan bõk jelãlokjen kin ankil an Jehovah ej kitibuj am kile ta eo ej buñburuen ak jab buñburuen kake. Juõn kien ak lajrak ejjab juõn men in aikwij ñan jelã men otemjej. Elañe juõn armij ej diet (kadiklok an mõñã), ejjab aikwij juõn lajrak in kajjojo men ko ej aikwij bõprae ak emaroñ mõñã ilo diet eo. Eindein lok wõt, ke ear kõlajrak kin jerbal in kanniek ko, ri jilek Paul ear konono kin “men ko eirwõt” me rej kõmman bwe en jab bõk jerammõn ko an Ailiñ eo. (Gal. 5:19-23) Kajerbale maroñ in jelã ko ej lelok ñan kajjojo armij ro ien eo emõn ñan air kwalok kamolol jen buru im kõnan eo air ñan kabuñburuen Anij.

9. Ta nan in kakabilek ko ilo Bible ñe rej jerbali remaroñ jibañ armij eo ñan kijenmij kin jeramel ak wãwen ko rebin ikijen money? [6, w03 8/1 p. 5 par. 2-5] Ekklisiastis 7:12 ej jibañ juõn armij ñan an kile bwe meñe money emaroñ letok jidik jokane, meletlet eo jen Anij elaplok an aorõk. Emaroñ kejbãrok kij kiõ im jibañ kij ñan bõk mour indio. Luk 14:28 ej rejañ juõn armij ñan kile ta men ko raorõk im kõmman juõn lajrak in an kajerbali money ko an bwe en maroñ kabwe men ko ej aikwiji. Juõn Timote 6:8 im Matu 6:22 rej rejañ armij ro bwe ren juburu kin men in aikwij ko an mour im lemnak wõt kin air karejar ñan Anij im reimanlok ñan air bõk mour indio.

10. Ewi wãwen joñok eo an Jehovah kin an mõnõnõ in lelok ilo ejelok wõnãn en jelet kij? (Mat. 10:8) [7, w03 8/1 pp. 20-2] Meñe ear juõn wõnãn elap ñan e, Jehovah ilo joij eo an ear karõk bwe Nejin en mij einwõt juõn men in katok, im ilo wãwen in letok bedbed in mour indio (Rom 3:23, 24) Men in en kar kamakit kij bwe jen mõnõnõ in lelok kij make im ñan bõklok “dren in mour ejij wõnan” ñan armij. (Rev. 22:17; Sam 110:3) Meñe rej rejañ ro ri karejaran Anij ñan air ‘lemnok kin jinekjij eo,’ jej aikwij karejar ñan Anij kinke jej yokwe e im jab kin un ko rekibbon. (Hib. 6:10; 11:6, 26)

KONONO BIBLE KAJJOJO WEEK

11. Ta melelen jur ko ruo etan Jachin im Boaz ilo jikin deloñ in temple eo Solomon ear kaleke? (1 Kiñ 7:15-22) Etan jur eo itu-anbijmaroñin, Jachin, melelen “Enaj Kabine.” Etan jur eo itu-anmiñin, Boaz, melelen “Ilo Kajur.” Kinke kajin Hebrew jej read jen anmoon ñan anmiñ, jur ko rar kwalok lemnak eo bwe “enaj kabine ilo kajur.” Jur kein rar jutak make iair rar jab jurake jabdewõt mõttan in mweo. Alikar bwe tokjen eo elap kin jur kein eñin bwe Anij ear kabine temple eo ilo kajur im kowãppen bwe kabuñ eo emol en bed ie. [1, 1 Kiñ 7:21, ftns.; it-1 p. 348 par. 2; w66 p. 32]

12. Men in lelok eo an Solomon kin 20 jikin kwelok ko ilo enen Galilee ñan King Hiram ilo Tyre ear ekkar ke ñan Kien Moses? (1 Kiñ 9:10-13) Kien eo ilo Livitikõs 25:23, 24 emaroñ kar jerbal wõt ñan jikin ko Ri Israel ro rar jokwe ie. Bõlen armij ro rejjab Ri Israel rar jokwe ilo jikin kwelok ko me Solomon ear lelok ñan Hiram, meñe rar bed iloan Enen Kallimur eo. (Ex. 23:31) Makitkit eo an Solomon emaroñ kar bareinwõt kalikar likjap eo an ñan bokake Kien eo, einwõt ilo ien eo ke ear ‘korlok horse ñan e make’ im korlok belen. (Dut. 17:16, 17) Mekarta, Hiram ear jab juburu kin men in lelok in. Bõlen ri pagan ro me rar jokwe ilo jikin kein rar jab kejbãroki, ak bõlen rar jab bed ilo jikin ko remõn. [2, w05 7/1 p. 29]

13. Ta eo jemaroñ katak jen jab bokake eo an “juõn armij õn Anij”? (1 Kiñ 13:1-25) Ien otemjej ej aikwij jimwe wãwen ad etetal ilo ial ko an Jehovah. Aolep ien jej aikwij bukõt tel eo an, elaptata ñe ej walok ien ko renana im bwok ilo mour. Jen jab etal imanlok ilo wãlok, kin lemnak ko ad make ak kinke bar juõn armij ej rejañ kij meñe armij eo ej juõn eo ewõr eddo ko an ilo dolul eo an Anij. [3, w05 7/1 “Nan eo an Jehovah Ej Mour Wõt​—Katak ko Relap Jen Book in Juõn Kiñ Ro”; w98 9/1 p. 23; w62 p. 114 par. 14]

14. Ilo wãwen et eo King Asa in Judah ear kwalok an beran, im ta eo jemaroñ katak jen joñok eo an? (1 Kiñ 15:11-13) King Asa ear jolok jen Judah aolep ekjap ko im maan ro rekijoñ me rar jerbal ilo temple eo. Ear bareinwõt jolok ri buñ jen tõmak eo jibwin jen an leroij im tile “men in e jõjõik” eo an. Eindein, jej aikwij kowõnmanlok ilo kijejeto kabuñ eo erreo ikijen jerbal in kwalok nan in katakin eo ad, im jutak bin nae buñ jen tõmak. [4, w05 7/1 “Nan eo an Jehovah Ej Mour Wõt​—Katak ko Relap Jen Book in Juõn Kiñ Ro”; w93 11/15 p. 17 par. 20]

15. Ewi wãwen men eo ear walok ikõtan King Ahab im Naboth ej kalikar kauwatata eo kin buromõj kin kij make? (1 Kiñ 21:1-16) King Ahab ear jino an buromõj kin e make elikin an kar Naboth makoko in wiakake juõn weto ñan e. Lio belen Ahab, Leroij Jezebel, ear jab errã ibben uak eo an inem ear karõk bwe ren naruõn kin blaspheme im kade e ñan mij. Einwõt ej alikar ilo wanjoñok eo kin Ahab, armij eo ej buromõj kin e make ej jibadõk juõn ial enana. Kinke buromõj kin e make ej juõn lemnak ele jen joñan im jab jokkin wõt juõn kin e make, emaroñ tellok ñan jorrãn. Emaroñ kõmman bwe armij eo en buromõj im inebata kin men ko redik, einwõt ear walok ñan King Ahab. Ej kõmman bwe armij eo en lap an lemnak kin e make im itoklimo eo an e yokwe kin ro jet en diklok ak jako. Eo ej buromõj kin e make emaroñ lale men ko raorõk ilo juõn wãwen ebwid im, kin men in, kõmman bebe ko renana. Buromõj kin e make emaroñ bareinwõt kamõjnoik mour in jitõb eo an juõn armij im, men eo elaplok an nana, emaroñ tellok e ñan an ebwer ñe ej iion ijjibed ko, im ilo wãwen in luji jutak eo an erreo iman Anij. [6, w77 p. 547]