Kein Jipañ ñan Katak

Lale Ta ko Raorõkl̦o̦k

Kõj aolep ejjab l̦ap iien ko ewõr ippãd ñan ad katak ippãd make. Ewi wãween jemaroñ lukkuun kortokjãn iien kein jej katak ippãd make? Kein kajuon, bõk am̦ iien. Enaaj l̦apl̦o̦k am̦ bõk tokjãn ñe kwõnaaj bõk am̦ iien im katak jidikin juon men, ijello̦kun am̦ ekkaiuriur in riiti elõñ kõmel̦el̦e ko.

Kein karuo, lale ta ko raorõkl̦o̦k. (Eps. 5:15, 16) Erkein ej jet iaan men ko remaroñ jipañ eok:

• Riiti Baibõl̦ eo aolep raan. (Sam 1:2) Kwõmaroñ jino kõn jebta ko jej riiti kajjojo wiik ilo kweilo̦k ko ad lukwõl̦pãn wiik.

• Kõpooje Naan in Keeañ eo am̦ ñan iien kweilo̦k ko ad im katak ko am̦ ñan kweilo̦k eo ilo lukwõl̦pãn wiik. Kwõn kõppojakl̦o̦k im̦aan bwe kwõn pojakin uwaak.​—Sam 22:22.

• Bareinwõt kajjioñ kõm̦m̦an iien ñan riiti im alwõji ekkan ko jet ilo kõkkar, ãinwõt magazine ko, pijain alwõj ko, im men ko jet ilo jw.org.

• Katak kõn juon men kwõj itoklimo kake. Kwõmaroñ kõm̦m̦an research kõn juon apañ kwõj jelm̦aiki, juon am̦ kajjitõk, ak juon mel̦el̦e ilo Baibõl̦ me kokõn̦aan kal̦apl̦o̦k am̦ jel̦ã kake. Ñe kwõjaje ta eo kokõn̦aan katak kake, lale ijo ej ba “Bible Study Activities” ilo jw.org.