Ta ko Jej Aikuj Kõm̦m̦ani ñan Kabuñbũruon Anij?

Jen kõjparok kõj jãn men ko renana. 1 Korint 6:9, 10

El̦aññe jej yokwe Jeova jejamin kõm̦m̦ani men ko ej diki.

Jeova ejjab kõn̦aan bwe jen ko̦o̦t. Bareinwõt ejjab kõn̦aan bwe jen kadek, meme betel nut, kõbaatat jikka im maruana ak kajerbal cocaine.

Anij ej dike uror im m̦an lo̦je. Im ej dike ñe kõrã ro rej oktak im lesbian im ñe em̦m̦aan ñan em̦m̦aan rej lo doon. Ejjab kõn̦aan bwe jen kũbbon̦ im ire ippãn ro jet.

Jejjab aikuj kabuñ ñan ekjab ak katok ñan ro remej.

Armej ro me rej kõm̦m̦ani men ko renana reban jukjuk im amn̦ak ioon lal̦ in ñe enaaj erom juon pedetaij.

Kõm̦m̦ani men ko rem̦m̦an. Matu 7:12

Ñan ad maroñ kabuñbũruon Anij, jej aikuj kate kõj ñan kajjioñe e.

Kwal̦o̦k yokwe ñan ro jet ilo ad jouj im kõm̦m̦ani men ko rem̦m̦an ñan er.

Kwal̦o̦k m̦ool iien otemjej.

Jen tũriam̦okake im jol̦o̦k bõd.

Jiroñ ro jet kõn Jeova im kien ko an.​—Aiseia 43:10.