JINO BWEBWENATO IPPÃN ARMEJ
KATAK 6
Peran
Naanin Kakapilõk: “Anij eo ad ear kaperan kõm bwe kõmin kwal̦o̦k ñan kom̦ ennaan eo em̦m̦an.”—1 Tes. 2:2.
Men eo Jesus Ear Kõm̦m̦ane
1. Alwõje PIJAIN ALWÕJ EO, ak riiti Luk 19:1-7. Innem etale kajjitõk kein:
Etke jet armej remaroñ kar jab kõn̦aan kepaake Zakkiõs?
Ta eo ear kõm̦akũt Jesus ñan an kwal̦o̦k naan ñan l̦ein?
Ta eo Jej Katak jãn Jesus?
2. Jej aikuj peran bwe jen maroñ kwal̦o̦k naan kõn Aelõñ eo an Anij ñan aolep armej ilo ejjel̦o̦k kalijekl̦o̦k.
Anõke Jesus
3. Atartar ioon Jeova. Jetõb kwõjarjar eo an Anij ear kõkajoor Jesus bwe en maroñ kwal̦o̦k naan, im emaroñ bar kõkajoor im jipañ eok. (Matu 10:19, 20; Luk 4:18) Kajjitõk ippãn Jeova bwe en lewaj ñan eok peran ñan am̦ maroñ kwal̦o̦k naan ñan ro kwõj mijak im ãliklik in kõnono ippãer.—Jrb. 4:29.
4. Jab m̦õkaj im ekajete armej. Jemaroñ jenliklik in kõnnaan ippãn jet armej kõn wõt paotokier, wãween aer mour, tõmak ko aer, ñe rej itok jãn juon baam̦le eutiej ak ettã, ak ñe elõñ aer jããn ak jaab. Bõtab men eo jej aikuj keememej ej bwe:
Jeova im Jesus rejel̦ã ta ko rej pãd ilo bũruon armej ro, ak kõj jejjab jel̦ã.
Joñan an l̦ap tũriam̦o eo an Jeova, em̦õn̦õn̦õ in jipañ jabdewõt armej jekdo̦o̦n kain armej rot er.
5. Kwal̦o̦k peran ak ilo ejja iien eo wõt kwal̦o̦k kautiej im kõjparok. (Matu 10:16) Jab akwããl. Ilo jouj, kõjem̦l̦o̦k am̦ bwebwenato ippãn armej eo el̦aññe ealikkar bwe ejjab kõn̦aan roñjake ennaan eo em̦m̦an ak ñe kwõj kile bwe mour eo am̦ epãd ilo kauwõtata.—JK. 17:14.