Kajitõk ko Jen Ro Rej Read
Etke Aiseia 30:21 ej konono kin nan eo an Jehovah einwõt ñe ej itok jen “ilikim,” ke eon eo lok iman ej likit Jehovah iman ke ej ba, “Mejõm renaj lo Dri Kaki eo Elap am”?
Aiseia 30:20, 21, New World Translation, ej konono: “Dri Kaki eo Elap am ejjabto ejamin tilekek, im mejõm re naj lo Dri Kaki eo Elap am. Im lojilñim re naj roñjake juõn nan ilikim, ej ba: ‘Eñin ial eo, komin etetal iloan,’ ñe komij jeor ñan anbijmaroñ, im ñe kom jeor ñan anmiñ.’”
Ilo an konono ennan eo ilo eon in, eo ej read ej lo Jehovah, Dri Kaki eo Elap, itumanin ak ej roñjake ainikien jen tulikin. Bõtab, nan kein rej an in kõkkar im rej aikwij melele kaki ilo wãwen in.
Nan in kõkkar eo eon 20 ej bõktok ñan kamaroñ juõn ñan an kalmenlokjen kake ej kin juõn ri karejar eo ej bojak in karejar ñan master eo an, ej bojak in emmakit ilo an in jiroñ ko an master eo. Ejja einwõt an juõn ri karejar eo ej kanuij lale pein master eo an ñan an melele men eo ej kalikar ankilan, eindein armij ro an Jehovah rainin rej kanuij kejbãrok an in jiroñ ko rej bedbed ion Bible im ewõr wõnmanlok ie im Jehovah ej letok ikijen dolul eo an ion lal. (Sam 123:1, 2) Aet, rej jerbal ekkar ñan an in katakin eo an, im mimij wõt ñan jabdewõt men eo Jehovah ej kwalok ikijen “dri korijer e tiljek im meletlet.”—Matu 24:45-47.
Inem, ta nan eo me ro ri karejar rar roñjake jen tulikiir? Ej menin kõmmanwa ñan bõk jemlok in bwe ainikien eo jen itulik ej ainikien Anij jen ien ko remotlok, ej konono ikijen Nan eo an emwij je im einwõt an mwij kameleleiki ikijen “dri kõmñe” eo an. (Luk 12:42) Ro ri karejaran Anij ran kein rej roñjake ainikien ilo air niknik katak Bible im jerbale an in kaiñi ko ie ilo mour eo air ibben jibañ eo jen book ko “dri korijer e tiljek im meletlet,” “dri kõmñe eo e tiljek” rar keboji. Ilo air atartar ion im wõr air jelã kake, nan in jiroñ eo me Ri Kaki eo Elap ej letok im ilo air katak Nan in Anij, eo emwij je elõñ ebeben ko remotlok, ro ri karejaran ilo an in kõkkar rej lo e imair im roñjake ainikien itulikiir.—Dri Rom 15:4.