Etale Nan eo an Jehovah Ran Otemjej!
1 Aitwerõk ko rekãl rej walok kajjojo ran ñan tõmak eo am. Bõlen juõn mõttam ejjab juõn ri tõmak ej jibed yuk ñan etal ibben. Ri kaki eo am ekõnan bwe kwon jibadõk juõn kain job, ak boss eo am ekõnan bwe en aetoklok ien am jerbal. Ejmour eo am emõjnolok. Meñe melejoñ rot kein remaroñ walok ilo jabdewõt ien, kwojjab make iam. Jehovah ebojak in lewõj jelãlokjen ñan am kijenmij. Etale eon im kamelele eo ilo Examining the Scriptures ej juõn wãwen kwomaroñ keini am bõk jen Nan eo an Jehovah. Kwoj kortokjen ke men in letok in?
2 Kwomaroñ Bõk Jibañ: Isaiah 30:20, New World Translation, ej kwalok kin Jehovah bwe ej “Ri Kaki eo Elaptata” eo armij ro an Anij remaroñ reilok ñan e ñan bõk jibañ. Ej lewõj men eo kwoj aikwiji ñan jelmae melejoñ ko ñan tõmak eo am. Ewi wãwen? Eon in tok ej kamelele: “Lojiliñõm re naj roñjake juõn nan elikõm, ej ba, Eñin ial eo, komin etetal iloan.” Rainin, Jehovah ej jilkinlok “nan” eo an ikijen Jeje ko im book ko an ‘dri korijer eo e tiljek im meletlet.’ (Mat. 24:45) Ewõr jelãlokjen ko relap ilo katak ko an Imõniaroñroñ ilo ien ko remotlok, ko rej jelet aolep wãwen ko an mour in Christian. Ilo am eliji katak ko rej kwalok kake ilo Examining the Scriptures men in enaj jibañ yuk ñan ejaak juõn ejouj in jelãlokjen me eaorõk ñan jerbale jabdewõt melejoñ ko rej walok.—Ais. 48:17.
3 Karõk Ien Ñan e: Meñe jibboñ ej juõn ien elap an boub, juõn jinen ear karõk ien ñan konono im etale unin tel in ran eo ibben ladik eo nejin ke ear maboñ. Nan kein koba ibben jar eo kar nan ko eliktata ear roñjake ilo jibboñ mokta jen ear etal ñan school. Men kein rar kakajur e ñan jumae men in kabo ko ñan kõmman lũñ, ñan jutak bin nae ijjibed ko an nationalism (kijejeto kin ailiñ eo an), im ñan kwalok nan ilo beran ñan ri school ro mõttan im ri kaki ro an. Meñe kar e wõt Ri Kennan ilo school eo, ear jab eñjake an make ian.
4 Reilok ñan Jehovah im Nan eo an ñan bõk tel. Elañe kwoj kõmmane, enaj lukkun mol ñan yuk, einwõt juõn jeram kwomaroñ liki. Reilok ñan e ran otemjej! Koba ibben million ro jet ilo lal in me rej etale Nan eo an Anij ran otemjej, kwonaj lo bwe enaj einwõt “mejõm rej lo ri kaki eo am.”