Schedule in Family eo—Unin Tel in Ran
1 Ro jemen im jinen me ewõr air yokwe rej kate ir kajjojo ran ñan lelok mõñã ko remõn ñan ro nejiir. Lelok ñan ir ekan ko ilo jitõb jen Nan in Anij men in elaplok an aorõk. (Mat. 4:4) Juõn wãwen kwomaroñ jibañ ro nejõm ñan kaddeklok juõn kõnan kin ekan ko lor jitõb im “edreklok kake ñõn lomor” ej ikijen am bõk jidik ien kajjojo ran ñan etale unin tel in ran im uak ko einwõt juõn family. (1 Pit. 2:2) Ñããt eo kwomaroñ kobaik men in ilo schedule in family eo am?
2 Ilo Ien Mõñã: Ilo am jino ran eo am kin am bwebwenato kin unin tel in ran men in emaroñ jibañ family eo am ñan lemnak kin Jehovah ilo aolepen ran eo. (Sam 16:8) Juõn jinen ear bebe ñan read im bwebwenato kake unin tel in ran im uak ko ibben ladik eo nejin ke ear mabuñ im jar ibben mokta jen an etal ñan school. Men in ear kakajur e bwe en jutak bin ke ear jelmaik aitwerõk eo kin nationalism (kautiej ailiñ eo), ñan jumae men in kabo ko kin mour in lũñ, im ñan kwalok nan ilo beran ñan ri school im ri kaki ro jimor. Meñe e wõt kar juõn Ri Kennan ilo school eo, ear jab eñjake an make ian.
3 Elañe ebin ñan ami etale unin tel eo ilo jibboñ, kwomaroñ etale einwõt juõn family tokelik ilo ran eo, ak bõlen ilo ien ami mõñã in jota. Ilo ien in jet rej bareinwõt bwebwenato kin experience ko rar iioni ilo jerbal in kwalok nan im point ko rar loi jen air read Bible. Elõñ rej kememej ien ibben don kein einwõt juõn family einwõt ien ko elaptata air kamõnõnõ.
4 Ilo Boñ: Ñan jet family ko, ien eo emõntata ñan air etale unin tel in ran eo ej ilo boñ mokta jen air kiki. Ien in emõn bareinwõt ñan jar ibben don. An ajiri ro nejõm roñ am konono kake Jehovah im jar ñan e ran otemjej, enaj juõn eo emour ñan ir.
5 Kimij kejatdikdik bwe Jehovah enaj kajerammõn jibadbad ko am ñan katakin mol eo ñan ro nejõm ilo am kortokjen Examining the Scriptures Daily.