Kwõj Ke Bõk Tokjãn Jãn Liñõri Baibõl̦ Raan Otemjej?

Kwõj ke ekkeini am̦ riiti eoon eo jãn Baibõl̦ im kõmel̦el̦e ko ilo kajjojo raan jãn Liñõri Baibõl̦ Raan Otemjej? El̦aññe kwõjjab, kwõmaroñ ke kõm̦m̦ane bwe en juon am̦ m̦anit? Elõñ rej kõm̦m̦ane men in ilo aolep jibboñ kõnke ren maroñ kõl̦mãnl̦o̦kjen̦ kõn boin kein ilo aer kõm̦m̦ani m̦akũtkũt ko an raan eo. (Jos 1:8; Sam 119:97) Ewi wãween bwe en maroñ l̦apl̦o̦k am̦ bõk tokjãn jãn Eoon eo an raan eo? Riiti eoon ko jet ipel̦aakin eoon eo im l̦õmn̦ak kõn ta ko rej wal̦o̦k. Kajjioñ l̦õmn̦ak kõn juon bwebwenato ilo Baibõl̦ me ej kaalikkare naanin kakapilõklõk eo jãn eoon eo. Innem kõm̦m̦an bwe kwõn jerbale ilo mour eo am̦. Ñe Naanin Anij ej jelõt pepe ko am̦, enaaj tõl mour eo am̦ im kwõnaaj lukkuun bõk tokjãn.​—Sam 119:105.

Ro ilo Betel̦ ilo pel̦aakin lal̦ in rej etale Liñõri Baibõl̦ Raan Otemjej ilo iien m̦õñã in jibboñ. Ilo iiõ ko rej jem̦l̦o̦kl̦o̦k, elõñ iaan m̦akũtkũt kein em̦õj aer wal̦o̦k ilo JW Broadcasting^® ium̦win ijo ej ba PROGRAMS AND EVENTS. Ñããt eo ãliktata kwaar ãliji im alwõji men kein? Bõlen jet iaan men kein rej jejjet ñan aikuj eo am̦. Ñan waanjoñak, ewi wãween an bwebwenato eo kõn Lot maroñ jelõt pepe ko am̦?

ALWÕJE PIJA EO ETAN DO NOT LOVE THE WORLD (1JO 2:15), INNEM UWAAKI KAJJITÕK KEIN:

• Naanin kakapilõk ta eo ilo Baibõl̦ ear l̦ap kõnono kake ilo iien unin tõl eo?

• Ewi wãween an bwebwenato eo kõn Lot kwal̦o̦k kauwõtata eo kõn yokwe lal̦ im men ko ie?​—Jen 13:12; 14:12; 19:3, 12, 13, 24-26

• Ewi wãween ad kwal̦o̦k bwe jej yokwe Jeova im jab lal̦ in im men ko ie?