Ruaklok ñan Anij
Juõn Shepherd Ej Ierõke Yuk
‘ANIJ ej ke ierõke ak kea kin iõ?’ Elañe kwar kajitõkin yuk make kin kajitõk in, ejjab kwe wõt kwoj iion men in. Elõñ iad jaar jelmae ien ko rebin, im ilo ien kein jemaroñ lemnak elañe Ri Kõmanman eo ijoko otemjej ilañ im ilal ej itoklimo kin ta ko rej walok ñan kij. Jej aikwij in jelã, Jehovah ej ke kea kake kij einwõt armij ro kajjojo? Ke ear bed ion lal, Jesus, eo elukkun jelã kajjen Jehovah, ear letok juõn wanjoñok me ej kwalok juõn uak ekalañliñ.
Ear keidi Jehovah ñan juõn shepherd eo ej ierõke ak kea kake sheep ko an, Jesus ear ba: “Elañe jibuki s̃ip an armij, im juõn iair ej jebwãbwe, e jab likit ko druatimjuõnñoul im druatimjuõn, im ilok ñõn tol ko, im bukot eo ej jebwãbwe ke? Im elañe ej lo e, emol Ij ba ñõn kom, elap an lõñliñ kin s̃ip in jen druatimjuõnñoul im druatimjuõn ko r’ar jab jebwãbwe. Ein drein Jememiuij ej ber i lõñ E jab kõnan bwe juõn ian rein redrik en joko.” (Matu 18:12-14) Jen lale wãwen an kar Jesus kamelele ijin kin yokwe eo an Jehovah ñan ri karejar ro An kajjojo.
Shepherd eo ej kile eddo eo an ñan lale sheep ko an kajjojo. Ñe juõn sheep ejebwãbwe, ejelã wõn iair ejako. Ejelã kajjojo sheep ko an kin ãt ko ear likit etair. (Jon 10:3) Shepherd eo ejamin kakije mae ien sheep eo ejebwãbwe enaj bar jeblaktok ñan bwij eo. Ñe ej etal im bukõt sheep eo ejebwãbwe, ejamin likit sheep ko 99 ilo kauwatata. Ekkã an shepherd ro bed ibben don, im kõtlok bwe sheep ko air ren bed ibwiljin sheep ko jet.a Inem shepherd eo ej likit sheep ko an 99 ibben shepherd ro jet mõttan iumin jidik wõt ien bwe en bukõt sheep eo ejebwãbwe. Ke ej lo sheep eo im ejelok jorrãn ibben, ewõr unin an naj shepherd eo lañliñ. Im ej likit sheep eo e lelñoñ ion aeran, im bar kajeblake ñan jikin kejbãrok im jokane eo ibben bwij eo.—Luk 15:5, 6.
Ke Jesus ear kameleleik wanjoñok eo, ear ba bwe Anij ejjab kõnan bwe “juõn ian rein redik ren jebwãbwe.” Moktalok, Jesus ear kakkõl ri kalor ro an bwe ren jab lõkatipi “juõn ian rein redrik rej liki [E].” (Matu 18:6) Kiõ, ta eo wanjoñok eo an Jesus ej katakin kij kin Jehovah? E juõn Shepherd eo elap an kea kin sheep ro an kajjojo, ekoba “ro redik”—ro me lal in ej watõk ir einwõt ejelok ak edik tokjeir. Aet, iman mejen Anij, ri karejar ro an kajjojo rejej uair im aorõk.
Ñe kwokõnan jelã elañe kwoj aorõk ibben Anij, etke kwojjab kalaplok am katak kin Shepherd eo Elap, Jehovah Anij, im ewi wãwen kwomaroñ ruaklok ñan e? Ilo am kõmmane men in, kwonaj liki e einwõt kar ri jilek Peter, eo ear bed ilo ien eo ke Jesus ear kwalok wanjoñok eo kin sheep eo ejebwãbwe. Tokelik Peter ear jeje: “Komin likit ami inebata otemjej na iben [Anij], bwe Ej ierki kom.”—1 Piter 5:7.
[Kamelele eo itulal]
a Ear jab juõn men ebin ñan kajenolok sheep ko, kinke sheep ko kajjojo rej emmakit ñe ainikien shepherd eo air ej kir.—Jon 10:4.