Kwoj Kememej Ke?
Kwar mõnõnõ ke in readi Imõniaroñroñ ko ilo alliñ ko rej kab motlok? Lale elañe kwomaroñ uake kajitõk kein ilal:
• Ta abañ ko relap jet Ri Christian rar jelmaiki elikin air mare, im ta eo ren kajeoñ kate in kõmmane?
Jet Ri Christian ro remaroñ kile bwe itoklimo ko ak wãwen ko ibbeir rej einjuõn jen don. Air jelã bwe jebel ak jolok don ejjab bedbed ilo Bible eo im ejjab mejelan eo emõn, kin men in rej aikwij kate ñan kejbãrok mare eo.4/15, page 17.
• Ta abañ ko juõn Ri Christian eo ej bed ilo mweo imõn ritto ak ri nañinmij, emaroñ jelmaiki?
Emaroñ jab jelã ia eo congregation eo ej bed ie ak ejjab kanuij jelã kajjen ro uan congregation eo ilo jikin eo ej jokwe ie kiõ. Enañin aolep ro rej bed ilo mweo ej jokwe ie kiõ eoktak tõmak ko air im remaroñ kajeoñ kõmman bwe en bõk kunan ilo makitkit ko an kabuñ. Ri Christian ro nukin im ro uan congregation eo ej bed ie ren jelã kin abañ kein im lelok jibañ im kejbãrok.—4/15, page 25-27.
• Ta buñten nee ko emen remaroñ jibañ ri belele ro ñan air kamadmõdi abañ ko?
Karõk juõn ien ñan konono kin abañ ko. (Ekk. 3:1, 7) Kwalok lemnak eo am ilo mol im ilo kautiej. (Ep. 4:25) Roñjake im kile ilo kautiej eñjake ko an eo beleõm. (Mat. 7:12) Errã ibben don kin wãwen remaroñ kamadmõd abañ eo, im jimor jerbale. (Ekk. 4:9, 10)—July-Sept., pages 10-12.
• Ke Jesus ear rejañ kij ñan ad jar kin jeorlok muri ko ad, ta muri ko ear konono kaki?
Ñe jej keidi Matu 6:12 ibben Luk 11:4 ej kalikar bwe Jesus ear jab ba kin muri ko kin money. Ear konono kin jerawiwi ko. Jej aikwij in kajeoñe Anij ikijen ad mõnõnõ in jolok bwid.—5/15, page 9.
• Ta committee ko ro uan Governing Body eo rej jerbal ie?
Coordinator Committee; Personnel Committee; Publishing Committee; Service Committee; Teaching Committee; Writing Committee.—5/15, page 29.
• Ewi wãwen ad maroñ jelã bwe Ibwijleplep eo ilo ien eo an Noah ear jelet aolepen lal in?
Jesus ear tõmak bwe Ibwijleplep eo ear walok im jelet aolepen lal in. Nan in kakkõl ko ilo Bible rej bedbed ion mol eo bwe Ibwijleplep eo ear walok im jelet aolepen lal.—July-Sept., page 8.
• Manit ko kar konono kaki ilo Dri Rom 1:24-32 rej jejjet ñan Ri Jew ro ke ak Ri Ailiñ ko?
Kamelele eo emaroñ jejjet ñan rein jimor, ak ri jilek Paul ear jitõñlok ñan Ri Israel ro etto, ro me iumin elõñ ebeben ko rar likjap in lor ak bokake Kien eo. Rar jelã kien ko an Anij rewãnik, ak rar jab mour ekkar ñani.—6/15, page 29.
• Ebed ia Tel Arad, im etke eaorõk?
Tol jidikdik in ilo Israel ej kakkõleik jikin kwelok in Arad in etto eo im ej bed iturilik in Lomalo in Mij. Ilo tol in edik, ro rar kũbũj ijin rar lo jet mõttan clay ko rar kajerbali ñan jeje ioir. Jet ian men kein kar jeje ãt ko rej bed ilo Bible eo, im rej kwalok bwe rar kajerbal ãt eo etan Anij ke rar jeje peba ko raorõk.—7/1, page 23-24.
• Etke ad kwalok kõmmanwa kin men ko jej kõtmene jen kij make remaroñ kalaplok lañliñ eo ad?
Elañe jej kamaat ad maroñ ñan tõbar mejenkajjik ko ejelok kõmmanwa ie jekdon ewi joñan an bin, jej bõktok buromõj im inebata iod make. Ijo turãjet, jej aikwij kejbarok bwe jen jab tiriamokake kij make im kajerbal men ko jej lemnak jej mõjno kaki einwõt kein jekben kin unin jej kadiklok ijo kunad ilo jerbal eo an Christian.—7/15, page 29.
• Ta eo emaroñ kõmman bwe en bin an ro jemen im jinen konono im jelã kin lemnak ko an jodikdik ro?
Jet abañ ko ñan konono im jelã kin ta lemnak ko an jodikdik ro emaroñ kin an juõn jodikdik ejookok, kõnan eo ñan an anemkwoj, im kõnan eo ekajur ñan an makelok ian. Inem, ñan rejañ jodikdik ro ñan kwalok lemnak ko air, ro jemen im jinen remaroñ bwebwenato bajjek ibbeir. Ritto ro renaj bareinwõt kate ir ñan air melele kin ta eo jodikdik ro rej ba im bareinwõt kin eñjake ko air.—8/1, page 10-11.