KAJJITÕK KO BAIBÕL̦ EJ UWAAKI

Tepil̦ eo ear itok jãn ia?

Ejjab kar karõk eo an Anij bwe en wõr juon enjel̦ enana. Bõtab, Anij ear kõm̦anm̦an juon enjel̦ em̦m̦an me tokãlik ear make oktak im juon enjel̦ enana. Kar n̦aetan Tepil̦ im Setan. Jijej ear ba bwe m̦okta Tepil̦ eo ear juon enjel̦ eo em̦ool im em̦m̦an. Kõn men in, ilo jinoin enjel̦ in ear juon iaan enjel̦ ro rewãnõk nejin Anij.​—Riit Jon 8:44.

Ta eo ear kõm̦m̦an bwe juon enjel̦ em̦m̦an en oktak im nana?

Enjel̦ in enana me ear oktak im Tepil̦ ear make kããlõt ñan jum̦ae Anij. Tokãlik ear kapo Iv im Adam ñan kobal̦o̦k ippãn im jum̦ae Anij. Kõn men in, ear make oktak jãn juon enjel̦ em̦m̦an ñan juon enjel̦ enana im n̦aetan Setan. Naan in ej mel̦el̦ein “Ri Jum̦ae.”​—Riit Jenesis 3:1-5; Revelesõn 12:9.

Ear wõr an enjel̦ in me ear oktak im bõk ãt in Tepil̦ maroñ ñan make kããlõt ñan kõm̦m̦ani men ko rem̦m̦an ak men ko renana. Anij ear lel̦o̦k maroñ in ñan aolep enjel̦ ro im armej ro. Bõtab jidik kõn jidik, enjel̦ in ear kõn̦aan bwe ro jet ren kabuñ ñan e. Ear l̦apl̦o̦k an kõn̦aan bwe en utiej jãn an kõn̦aan kabuñbũruon Anij.​—Riit Matu 4:8, 9; Jemes 1:13, 14, UBS.

Ta ko Tepil̦ eo ej wõnm̦aanl̦o̦k im kõm̦m̦ani ñan kapo armej ro? Kwõj aikuj ke mijak e? Kwõmaroñ lo uwaak in kajjitõk kein ilo Baibõl̦.