Ta eo Baibõl̦ Ej Ba?

Ta ak wõn Tepil̦ eo?

KWÕMAROÑ KE BA bwe Tepil̦ eo ej . . .

• Juon jetõb?

• Kakõl̦l̦en nana ko ippãn juon armej?

• Juon men epãd ilo l̦õmn̦ak ko an armej ro?

EKKAR ÑAN BAIBÕL̦

Tepil̦ eo ear kõnnaan ippãn Jijej im ear kajjioñ “kapo” e. (Matu 4:1-4) Kõn men in, Tepil̦ eo ejjab juon men epãd ilo l̦õmn̦ak ko an armej ro ak kakõl̦l̦en nana ko ippãn juon armej. Tepil̦ eo ej juon jetõb im el̦ap an nana men ko ej kõm̦m̦ani.

TA MEN KO JET BAIBÕL̦ EJ BA?

• Ilo kar jinoin, Tepil̦ eo ear juon enjel̦ em̦m̦an. Bõtab, ear “jab jutak ilo m̦ool.” (Jon 8:44) Ear erom juon rũriab im ear jum̦aik Anij.

• Enjel̦ ro jet rar kobal̦o̦k ippãn Setan im jum̦aik Anij.​—Revelesõn 12:9.

• Tepil̦ eo ej m̦on̦e elõñ armej ro bwe ren jab jel̦ã kõn e im men ko renana ej kõm̦m̦ani.​—2 Korint 4:4, UBS.

Ewõr ke an Tepil̦ eo maroñ ioon armej ro?

JET ARMEJ REJ BA bwe ejjab m̦ool bwe ewõr an Tepil̦ eo maroñ ioon armej, ak ro jet relukkuun mijak ñe emo̦k jetõb ettoon ippãer. Ak kwe, ta am̦ l̦õmn̦ak?

EKKAR ÑAN BAIBÕL̦

“Aolep lal̦ in ej pãd ium̦win pein Rinana eo.” (1 Jon 5:19, UBS) Tepil̦ eo ewõr an maroñ ñan kapoik im tõlpiloik armej ro, bõtab ejjab aolep armej emaroñ kapoik er.

TA MEN KO JET BAIBÕL̦ EJ BA?

• Tepil̦ eo ej m̦on̦e armej ro bwe ren kõm̦m̦ani men ko ekõn̦aan.​—2 Korint 11:14.

• Ebar wõr an enjel̦ ro renana maroñ ioon jet armej ro.​—Matu 12:22.

• Ikijjeen jipañ eo jãn Anij, kwõmaroñ lo tõprak ilo am̦ “jum̦ae tepil̦” eo.​—Jemes 4:7.