Kwalok Nan ilo Ran in Holiday ko
1 Meñe elõñ manit ko an ri pagan rej kobalok ibben Christmas im New Year (Ran in Yiõ eo Ekãl), elõñlok jen juõn billion armij rej ba rej Christian rej bõk kunair kin holiday kein jen yiõ ñan yiõ. Elõñ armij emol burueir rej tõmak bwe kwojkwoj kein Anij ej buñburuen kaki. Ewi wãwen jemaroñ jibadõk armij rein kin news eo emõn ilo ien holiday kein?
2 Elder ro rej kõmman karõk ko reinjuõn kin kwalok nan ilo ien holiday ko, kinke elõñ iad jenaj kakije jen jikin jerbal ko ad ilo ien eo. Ien jino jerbal in kwalok nan jen em-ñan-em jej aikwij ukõte ilo ad kwalok joij ñan armij ro renaj mejurlep ilo ien holiday kein.
3 Ñe jej kwalok nan, jenaj lo elõñ armij rej boub kin ri lolok ro im kin air keboji mõñã ko. Ilo ad kile ien in einwõt juõn ien eaorõk ñan ir, ilo joij jemaroñ kennan ilo tu-kadu ibbeir. Ad kwalok mantin Christian emaroñ kabellok ial eo ñan kwalok nan ñan ir ilo ran ko renaj itok.
4 Jejjab bõk kunad ilo kwojkwoj in kabuñ ko an lal in, im jejjab kajerbal nan in yokyokwe in holiday ko. Kin men in, jej aikwij kwalok jelã kilen ñe jej uake nan kein. Ejelok aikwij ñan akwel kin nan in yokyokwe kein, ak jemaroñ baj kamolol ri mweo kin nan ko an. Elañe armij rej kajitõk kin tõmak ko ad, jemaroñ kwalok ñan ir kamelele eo ilo book in Reasoning ilo peij 176-8 im 180.
5 Meñe enañin aolep armij rejjab itoklimo kin ennan in Ailiñ eo im rej mõnõnõ in bõk kunair ilo holiday in kabuñ ko rewan, Jehovah enaj kajerammõn jibadbad ko ad ñan bukõt ro emol burueir, bwe emake “ej bukot ro eirwõt bwe ren kabuñ ñõn E,” im enaj jitõñ ir ñan dolul eo an.—Jon 4:23, 24.