Kwõnaaj Ta ilo Raan in Holiday ak Kakkije Ko?

Ilo raan in holiday ko ak iien kakkije ko an kien ko im kabuñ ko, elõñ armej rej pãd wõt ilo m̦õko im̦weer. Innem, ilo iien rot kein ekkã an em̦m̦an bwe jen bõk kun̦aad ilo jerbal in kwal̦o̦k naan. Em̦m̦an bwe eklejia ko ren kõm̦m̦an karõk ko ñan kwal̦o̦k naan ilo raan in kakkije ko. El̦aññe elõñ armej ro ilo jikin ko jej kwal̦o̦k naan ie enaaj to aer ruj, em̦m̦an bwe jen ukote awa in kweilo̦k in kwal̦o̦k naan eo. Ilo iien Kweilo̦k in Ad Jerbal ñan Anij, remaroñ kõjjel̦ã kõn jabdewõt karõk ko ikijjeen jerbal in kwal̦o̦k naan ilo raan in kakkije ko im ñan rõjañ aolep ñan bõk kun̦aaer el̦aññe remaroñ. Em̦ool bwe raan in kakkije kein remaroñ letok juon iien em̦m̦an ñan ad bar kakkije ak kõm̦m̦ani men ko jekõn̦aan kõm̦m̦ani. Bõtab, jemaroñ ke bar kõm̦m̦an ad iien ilo raan eo ñan kwal̦o̦k naan? Ilo am̦ naaj kõm̦m̦ane men in, kwõnaaj m̦õn̦õn̦õ kõnke kwaar bõk kun̦aam̦ ilo jerbal eo eaorõk an Jeova.—Matu 11:29, 30.