Tiljek Ej Bõk Jinekjej
1 Ilo Hebrew 11:6 ej jiroñ kij bwe Anij ej “lelok jinekjij ñõn ro rej kabukot E.” Juõn wãwen eo ej lelok jinekjej ñõn ri karejar ro rar ‘tiljek kin men kõn reit’ ej ikijen an ‘kairoij ir ion men ko relõñ.’ (Mat. 25:23) Ilo bar juõn wãwen ba, ekkã an Jehovah kajerammõn jerbal ko remõn ilo an lelok ñõn ri kwalok ro retiljek jerammõn eo kin jerbal ko relaplok.
2 Kar kajerammõn tiljek eo an ri jilek Paul ikijen air jitõñ e ñõn kwalok nan ilo jikin kwelok im bukwon ko ilo Europe im Asia Minor. (1 Tim. 1:12) Meñe ear aikwij kate wõt e ñõn kõtõbrak jerbal eo an, Paul ear lukkun kaorõk jerammõn eo ear bõke. (Rom. 11:13; Kol. 1:25) Ear kwalok an kamolol jen buruen ilo an bukõt ien ko remõn ñõn kwalok nan. Kin jerbal in kijejeto eo an, ear kwalok ilo alikar bwe ear mour ekkar ñõn tõmak eo an. Wanjoñok eo an ej kamakit kij ñõn kaorõk jerammõn ko ad kin jerbal.
3 Jehovah Ear Letok ñõn Kij juõn Jerbal in Kwalok Nan: Ewi wãwen jemaroñ kwalok ejja lemnak eo wõt kin jerammõn in me Paul ear kwalok? Jej bukõt wãwen ko ñõn kalaplok kwunad ilo jerbal in kwalok nan. Jej kortokjen jabdewõt ien ñõn kwalok nan ilo jabdewõt ien emõn tok im bareinwõt jen em ñõn em. Jej bar jeblak ñõn aolep moko ear jako armij ro ie im kõmmõn bar jeblak ko ibben aolep ro rej itoklimo. Im jej kajejjet karõk ko jaar karõki ñõn kõmmõn Bible study ko.
4 Ikijen jerbal eo ad, Paul ear kakabilek: “Kate yuk.” (2 Tim. 4:2) Juõn men in kakaiuriur ej aikwiji kij ilo mõkaj. Jej kõmmõn ke jerbal in kwalok nan eo ad ilo juõn wãwen ekaiuriur, im likiti moktata ilo mour ko ad? Ñõn wanjoñok, jejjab kõnan kõtlok bwe men in kamõnõnõ ko ak jibadbad ko jet ilo weekend ren bõprae ien eo jej kajerbale ilo jerbal in kwalok nan. Kinke jej tõmak bwe jemlokin jukjuk im bed in ej ebaktok, jej bareinwõt tõmak bwe jerbal in kwalok kin news eo emõn kin Ailiñ eo ej jerbal eo eaorõktata jemaroñ kõmmõne.
5 Tiljek eo ad ñõn Anij jej kalikare ilo ad mol ñõn e im wõnmanlok ilo jerbal eo ear letok ñõn kij. Jen kajejjet jerbal eo ad, bwe Jehovah enaj letok juõn jinekjej ilo juõn wãwen elap kin tiljek eo ad.