Program eo Ekãl an Circuit Assembly eo

“Kwon Kõtõmene Wõt Ran eo an Jehovah” ej unin tel in program in circuit assembly eo ruo ran ko aetokin eo enaj ijjino ilo September. (2 Pet. 3:12) Kar elmokote ñõn kamakit eñjake in ekaiuriur eo ad. Mõttan jidik armij ro rej jokwe ion lõl in naj iion ekajet ko an Jehovah. Wõn ro renaj le jen “ran eo elap an Anij Ekajur Otem Kajur”? Ro wõt im rej mimij wõt ilo jitõb im rar kobrak mour ko air kin “men ko rej wõjake ilo kõmõn wãnik im kabuñ rokwojarjar.”​—Rev. 16:14; 2 Pet. 3:11.

Baptais ej aorõk ñõn an juõn deor jen ran eo an Jehovah. (1 Pet. 3:21) Ri kwalok ro me rekõnan baptais ilo assembly eo ren jiroñ presiding overseer eo, eo enaj kõmmõn karõk ko rej men in aikwij.

Juõn symposium emen mõttan in, “Ta Men eo Komin Wõjake,” enaj kwalok ilo alikar ta jerbal ko rej koba ilo ad kõtõmene wõt ran eo an Jehovah. Public talk eo, “Jerbal ilo Meletlet ñe Ran eo an Jehovah ej Ebaktok,” naj kamelele ta melelen ad ‘bukõt Jehovah, wãnik, im ettã buru,’ bwe jen juõn ri deor.​—Zeph. 2:3.

Circuit assembly eo enaj kajemlok kin ruo katak ko rej kamakit an overseer ro rej ito-itak, naetan: “Mour eo Am Ej Keolaplape Ke Mol Eo?” im “Karõklok Iman Ilo Lemnak kin Ran eo an Jehovah.” Katak kein renaj kamakit kij ñõn etale mour eo ad im kõmmõn jabdewõt oktak ko rej men in aikwij. Kanan ko ilo Bible im men ko rej walok ilo lõl in rej kalikar bwe ran eo an Jehovah ebak. Program in assembly in enaj rejañ kij ñõn ‘jadõr im ekil.” (1 Pet. 5:8) Kõmmõn karõk ko ñõn bed ilo aolepen ran kein ruo.