Program Eo Ekãl an Circuit Assembly Eo

Ta tokjen ko rekeie kwomaroñ bõki jen am etetal ibben Jehovah? Ewi wãwen kwomaroñ jumae kabo eo ñan kõtlok bwe jibadbad ko rejjab theocratic ren kobrak men ko an Ailiñ eo jen jikin eo imantata ilo mour eo am? (Mat. 6:33) Kwoj lo ke bwe ebin jelã jimwe im bwid ilo juõn lal me ej kõmman bwe bwid en einwõt jimwe? (Hib. 5:14) Men kein renaj etale ilo “Bõk Tokjen Kiõ ilo Am Etetal ilo Ial ko an Anij” circuit assembly, jinoe ilo September 1999.​—Sam 128:1.

Juõn men ekãl eo enaj walok ilo ran in Saturday ilo circuit assembly in ej wanjoñok eo kin juõn Service Meeting ejejjet. Circuit overseer eo am enaj kejelãik congregation ko kin ta eo rar karõki bwe aolep ren maroñ bojak in lañliñ kin program eo.

Mõttan in program eo etan “Pioneer ro​—Komin Kanuij Lale Ekijkan Ami Etetal” enaj kwalok ñan kij kin ewi wãwen jemaroñ jerbale meletlet im kõmmanwa bwe jen maroñ wiaik ien kin jerbal in pioneer. (Ep. 5:15-17) Katak eo “Kejbãrok Yuk Jen Wãwen ko Rej Baj Walok Einwõt Rejimwe” enaj katakin kij kin ewi wãwen jemaroñ jelã kin ta eo Anij ej buñburuen kake ilo aolepen wãwen ad mour. Katak eo “Ewi Wãwen Kanan ko Emwij Air Jejjet Kitieir Rej Jelet Kij” enaj jibañ kobrak lemnak ko ad im buruõd kin yokwe Nan in Anij. Katak eo elap “Ial ko an Anij​—Elap an Wõr Tokjeir!” enaj kalikar kin tokjen ko rekeie jemaroñ bõki kiõ ilo ad etetal ekkar ñan men in aikwij ko an Jehovah rewãnik.

Ej kõnan eo am ke ñan kwalok ilobwilij ikijen am baptais ilo den bwe kwo kõnan etetal ilo ial ko an Anij einwõt juõn ian ri karejar ro an emwij air wujleplok air mour? Inem konono ibben presiding overseer eo bwe en maroñ kõmman karõk ko rej men in aikwij.

Bebe ilo buruõm bwe kwon jab jako jen circuit assembly in ejejjet. Kwon bed ilo aolepen program eo ruo ran aetokin, bwe “Emõnõnõ jabrewõt eo ej mijõk Jeova, eo ej etal ilo ial ko An.”​—Sam 128:1.