“Armij Otemjej Renaj Yokwe Don ke?”
1 Juõn ennan eaibujuij, ekamakitkit, im kamãnãn buru rej keañ kake ibelakin lõl ilo 169 kajin ko. Ta ennan in? Im ewi wãwen rej kwalok kake?
2 Ennan in ej ikijen yokwe ri turid. Jemaroñ loe ilo News kin Ailiñ eo No. 35, eo ej etan “Armij Otemjej Renaj Yokwe Don ke?” News kin Ailiñ eo ilo tu-kadu ej etale wãwen ko kiõ ibelakin lõl, ej kwalok bwe an dik yokwe ibwiljin armij ej okran elap iñtan im metak buru. Ej kamelele kin etke, elaptata ilo ran kein ad, yokwe ri turid kar mololok im ta melelen men in kin ran ko renaj itok.
3 Ilo ejja ien in wõt, News kin Ailiñ eo No. 35 ej kwalok bwe yokwe eo emol kin ri turid ej bed ibwiljin elõñ million armij ro rej jokwe ilo lõl in rainin. Ej kalikar ro rej bõk kwunair ñõn bar kajutak mour in Christian eo etto—kabuñ ilo ebeben eo kein kajuõn, eo yokwe ri turier einwõt Jesus Christ ear katakin kar kakõlle ir.—Luke 10:25-37.
4 News kin Ailiñ eo No. 35 ej kajemlok kin juõn kamelele kin ewi wãwen aolepen lõl in armij ejjabto enaj jerbale yokwe eo kin ri turier iumin kien eo an Ailiñ in Anij ikijen Christ. Ro rej konono ennan in rej rejañ ir ñõn bõk brochure eo Ta Eo Anij Ekõnan Bwe Jen Kõmmõne? im katak kin ewi wãwen remaroñ erom mõttan karõk in kin yokwe ibelakin lõl me Nan in Anij ilo tibdikin ej kwalok kake.
5 Wõn Ro Renaj Jaketo-Jaketak Ennan In? Ri Kennan ro an Jehovah ibelakin lõl rej jaketo-jaketak ennan in kin yokwe ri turier ibben ro mõttair, ri turier, im ro nukiir ilo alliñ in October im November. Aolep ro tellokid rej rejañ ir ñõn bõk kwunair ilo jaketo-jaketak News kin Ailiñ eo No. 35.
6 Mejenkajjik eo elaptata kin jerbal in ej ñõn kamakit itoklimo eo an armij ñõn air katak Bible ilo Jen Kõmmõne brochure eo ak book eo Mour Indio. Bareinwõt, juõn jibadbad kin juõn buru eyu an kajjojo ri karejaran Jehovah enaj kõmmõn juõn kennan elap kin Anij in yokwe eo, Jehovah, im kin Nejin, Jesus Christ.