Kõmmõn Bwe News kin Ailiñ eo No. 35 En Lap Jaketo-Jaketak
1 October im November rej alliñ ko reboub ñõn kij aolep. Jej kobalok ilo jaketo-jaketak ibelakin lõl News kin Ailiñ eo No. 35. Ej jerammõn eo ad ñõn bõklok juõn ennan eaorõk ñõn armij otemjej ilo bukwon eo ad. Ej uak eo ñõn kajitõk eo, “Armij Otemjej Renaj Yokwe Don ke?” Ilo jerbal in ejej uan, jej jaketo-jaketak News kin Ailiñ eo No. 35 ilo weekday (Monday ñõn Friday) ko. Ilo weekend (Saturday im Sunday) ko, ijellokin ad lelok News kin Ailin eo, jenaj kwalok magazine ko rekãl.
2 Wõn Ro Remaroñ Bõk Kwunair? Einwõt ekkã an walok, elder ro renaj tel ilo jerbal in. Aolep armij rej mõnõnõ in jaketo-jaketak News kin Ailiñ eo, im ejelok bere elõñ ri kwalok ro rar kadeloñ etair ñõn jerbal einwõt auxiliary pioneer ro ilo juõn ak alliñ ko ruo jimor ilo jerbal in. Ri kwalok ro jet renaj kõnan kajerbal elaplok ien ko air ilo jerbal in kwalok nan.
3 Ewor ke juõn am ri katak Bible me ebak an dedelok an katak book eo Knowledge im mõttan jidik enaj tellokin bõk kwunan ilo jerbal in kwalok nan? Bõlen enaj maroñ erom juõn ri kwalok nan ejañin baptais mokta jen an naj jino jerbal eo ñõn jaketo-jaketak News kin Ailiñ eo. Juõn ennan elamwan ej men eo wõt kwoj aikwiji ñõn kwalok tract eo. Ñõn wanjoñok, juõn emaroñ ba: “Ennan in joñan an aorõk rej jaketo-jaketak e ibelakin lõl ilo alliñ in ilo 169 kajin ko. I kõnan bwe en wor juõn am make copy.” Meñe ajiri ro redik emaroñ wor kwunair ilo jerbal in ekairujruj.
4 Book study conductor ro ren rejañ aolep ro uan kumi eo air ñõn bõk kwunair joñan wõt air maroñ ñõn jaketo-jaketak News kin Ailiñ eo No. 35. Emaroñ bareinwõt wor ri kwalok ro rej inactive (jowan) ak remaroñ bar jino jerbal ilo jerbal in kwalok nan elañe rej bõk rejañ eo rej aikwiji. Elder ro ren lolok kajjojo rein ñõn lale ta eo remaroñ kõmmõne ñõn jibañ ir jerbal ibben ri kwalok ro ewor air iminene ilo wãwen jerbal in kwalok nan in.
5 Ñãt eo Jemaroñ Kwelok ñõn Kwalok Nan? Aolepen jerbal in ej aikwiji karõk ko kin kwalok nan einwõt juõn kumi me remelak im keie. Ñe emaroñ, kwelok ko kin kwalok nan ren karõke ñõn kajjojo weekday, ilo weekend ko, im ilo jota. Rej aikwij walok ilo ien ko ñe ri kwalok ro im pioneer ro renaj maroñ kortokjen ien eo ñõn kwalok nan. Karõk ko remaroñ bareinwõt kõmmõne ñõn kwelok ilo elikin raelip kin tokjen eo ñõn ri school ro, ri jerbal ro rej jerbal ilo shift ko, im ro jet. Service overseer eo ej aikwij kõmmõn bwe en bwe territory jen em-ñõn em ko im business territory bwe aolep ren maroñ bõk kwunair ilo jerbal eo. Ijo im elõñ ri kwalok ro ilo juõn jikin, rej aikwij kwalok lolokjen kin joñan ro rej jerbal ilo juõn mõttan in territory eo.
6 Ta Kin Moko me Ejako Armij ro Ie? Jekõnan iion im konono ibben elõñ armij ro ilo moko joñan eo jemaroñ ñõn kameleleik ir kin etke rej aikwij read News kin Ailin eo No. 35. Inem elañe ejelok armij ilo mweo kwoj illok ñõn e, je address eo im jeblak ilo bar juõn ien. Elañe kiõ ej week eo eliktata ilo jerbal eo ak ejañin wor tõbrak in iion ri mweo, kwomaroñ door juõn copy in News kin Ailiñ eo ilo kejam eo ilo juõn jikin ro rej ito-itak rejjab maroñ loe. Ilo jikin jokwe ko (residential), kwon bojak in lelok News kin Ailiñ eo ñõn kajjojo armij ro rej etetal iturin ial eo. Ñe kwoj jerbal ilo jikin ko me moko retolok jen don ak ijo elõñlok territory ko jen maroñ kadedelok ilo ien jerbal eo, remaroñ door ilo moko ejako armij ro ie juõn copy in News kin Ailiñ eo.
7 Ta Mejenkajjik eo Ad? Congregation ko ren kate ir ñõn kamãt aolepen News kin Ailiñ eo ko ewor ibbeir ñõn kadedelok aolepen territory eo air mokta jen jerbal eo enaj jemlok ilo November 16. Elañe territory eo an congregation eo am ebwe an lap im ejjab kauatata ñõn am make jerbal jen am jerbal ibben juõn mõttam, kwomaroñ lo bwe ewor tokjen ñõn am kõmmõn eindein. Men in enaj kamaroñ yuk ñõn tõbar elõñ ro rej tellokid bõk news eo emõn. (Mat. 10:11) Emaroñ wor tokjen ñõn bõk ibbõm jejjo tract ko im juõn Bible ilo bõjo ak ieb eo am, jen am kajerbal juõn briefcase. Kwon kejbarok juõn record emõn kin ijo kwoj iion armij ro rej itoklimo.
8 Kwoj Bojak ke ñõn Jino? Juõn joñan News kin Ailiñ eo No. 35 kar jilkinloke ñõn kajjojo congregation. Kajjojo special, regular im auxiliary pioneer ro naj bõk 250 copy ko ñõn jaketo-jaketaki, ñe kajjojo ri kwalok ro an congregation eo naj bõk 50. Ewor juõn ad jerbal jej aikwij kõmmõne. Kwoj kijoror ke ñõn bõk kwunam ilo jerbal in ej kalõñliñ? Ejelok bere kwoj. Jen kajededlok ennan in eaorõk eo ej wawa ion Bible eo ilo News kin Ailiñ eo No. 35 ilo joñan eo elaptata jemaroñ!