Jerbal eo Ejej Uan ilo October 16–November 12!
1 “Jemlokin Kabuñ Wan Ej Ebak!” Eñin unin tel eo an News kin Ailiñ Eo No. 37, eo jenaj leto-letak ibelakin lal jino ilo alliñ in lal. Ilo week ko jinoin ilo October, jenaj lelok magazine ko kin Imõniaroñroñ im Awake! Jino jen Monday, October 16, ñan Sunday, November 12, jenaj bõk kunad ilo jerbal in leto-letak News kin Ailin Eo No. 37. Ilo weekend ko ilo ien jerbal in ejej uan, jenaj leloke ibben magazine ko rekãl.
2 Wõn ro Remaroñ Bõk Kunair: Aolep ro rej niknik in kwalok kin news eo emõn renaj kõnan bõk kunair joñan wõt air maroñ. Jet renaj maroñ auxiliary pioneer. Ewõr ke ro nejõm ak ri katak ro me rej wõnmanlok wõt ilo men ko lor jitõb? Jibañ ir ñan kebak elder ro ñan lale elañe remaroñ bõk kunair einwõt ri kwalok ro rejañin baptais. Elder ro rej aikwij bõk eddo eo mokta ñan kebak ri kwalok ro rar jab kwalok nan jiljino alliñ ak lõñlok ñan rejañ ir ñan bõk kunair, bõlen, ilo air jerbal ibben ri kwalok ro ewõr air iminene.
3 Rej jilkinlok News kin Ailiñ Eo No. 37 ñan aolep congregation ko ilo joñan eo bwe ri kwalok ro im pioneer ro ren maroñ bõk enañin 50 copy ko. Ro rej itoklimo me rejañin ri kwalok nan remaroñ bõk lalem copy ko ñan lelok ñan ro uan family ko air im ro jerair. Aolep rej aikwij kememej jete eo rar lelok im je orair ilikin report ko air kin jerbal in kwalok nan ilo jemlokin alliñ in October im November. Secretary eo enaj kobaiki orair aolep ñan congregation eo im jilkinlok oran eo ñan ra eo ilo jemlokin kajjojo alliñ. Jabdewõt bwen News kin Ailiñ Eo me ewõr elikin an jemlok jerbal eo ejej uan remaroñ kajerbali ilo jabdewõt wãwen jerbal in kwalok nan.
4 Ta eo Jemaroñ Ba: Kõmman bwe ennan eo am en kadu, kinke ilo wãwen in ej kõmman bwe en laplok ad maroñ kajededlok ennan in. Kwomaroñ ba: “Ñan jibañ aolep armij, ij bõk kunaõ ilo juõn jerbal me ej walok ibelakin lal ñan leto-letak ennan in eaorõk. Eñin copy eo am ilo ejelok wõnãn. Joij im readi.” Emaroñ wõr tokjen elañe kwojjab kajerbal juõn ieb in kwalok nan ñe kwoj kebak kejam ko. Kwon jab meloklok in je etan armij ro rej kwalok air itoklimo.
5 Ewi Wãwen Jerbale Territory eo Am: Jen am leto-letak News kin Ailiñ Eo ilo jerbal in kwalok nan iturin ial ko, lale bwe en laplok ami jerbale territory ko jen em ñan em im business territory ko joñan wõt ami maroñ. Kejbãrok juõn lokbook kin moko kar jako armij ro ie, im kajeoñ in jeblak ilo bar juõn ien ak ran ilo week eo. Jino jen Monday, November 6, kom maroñ door juõn copy ilo moko kar jako armij ro ie. Bõtab, elañe congregation eo ewõr territory ko elap jen air maroñ jerbali ilo ien eo kar karõke, elder ro remaroñ bebe elañe ren door juõn copy kin News kin Ailiñ Eo ilo moko ejako armij ro ie jen jinoin ñan jemlokin jerbal in ejej uan.
6 Jeebeplok eo kin “Babilon elap” ebak. Armij ro rej aikwij diojtok jen e mokta jen naj kokkure e. (Rev. 14:8; 18:8) Kõmman karõk ko kiõ ñan am bõk kunam joñan wõt am maroñ ilo jerbal in ejej uan ibelakin lal ñan kejelãik armij bwe jemlokin kabuñ wan ebak!