Ewor ke Juõn Am “Kãliklik ilo Kõniek”?
1 Je lukkun kõnan kajejjet jerbal eo ad ñõn kwalok kin news eo emõn ñõn joñan eo jemaroñ. Bõtab, elõñ ian ro jeid im jatid maan im kõra rej lo bwe ebin air bõk kwunair kinke ewor nañinmij ko relap ibbeir, im menin ej kõmmõn bwe en bin air jerbal ilo joñan eo rekõnan. Ñõn ir, emaroñ juõn aitwerõk ñõn kijenmij kin eñjake in ebwer ko, elaptata ñe rej lo ro jet ibelakiir rej kijejeto ilo jerbal in kwalok nan.—1 Kor. 9:16.
2 Juõn Wanjoñok ñõn Anõke: Ri jilek Paul ear aikwij kijenmij kin juõn kãliklik ilo kõniek.” Jilu alen ear akwelap ibben Jehovah ñõn jolok men in kabañbañ eo, eo ear kalikare einwõt “juõn dri jilikan Setan” me ej ubrare e. Ak, meñe ear walok men in, Paul ear kijenmij im kate manlok ilo jerbal in kwalok nan eo an. Ear jab buromõj kin e make ak aol ien otemjej. Ear kate e joñan wõt an maroñ. Men in ittino ak key eo ñõn an lo tõbrak ñõn kijenmij kar nan in kamol in an Anij: “Aõ joij e bwe ñõn yuk, bwe Aõ kajur e wãppenlok ilo mõjino.” Mõjno eo an Paul ear erom juõn kajur ke ear katak ñõn bõk wãwen eo ear bed ibben im ñõn atartar ion Jehovah im jitõb kwojarjar eo bwe en kijenmij.—2 Kor. 12:7-10.
3 Wãwen eo Kwomaroñ Kijenmij: Mõjno ko an armij rej kõmmõn ke joñan ilo jerbal eo ad ñõn Anij? Elañe eindein, kajeoñwe lemnak eo an Paul. Meñe nañinmij ak abañ eo am ejelok juõn mejelan ilo jukjuk im bed in, kwomaroñ liki Jehovah, eo ej melele kin aikwij ko am im enaj lewõj “maroñ eo e kanuij lap.” (2 Kor. 4:7) Kortokjen jibañ eo ej bellok ñõn yuk ilo congregation eo, im jab kamakelok iam. (Jabõn Kennan 18:1) Elañe kwoj lo bwe ebin am bõk kwunam ilo jerbal eo jen em-ñõn-em, bukõt wãwen ko jet ñõn kwalok nan ilo jabdewõt ien emõn tok ak kwalok nan ilo kajerbal telephone.
4 Meñe juõn kãliklik ilo kanniek emaroñ kadiklok ta eo kwomaroñ kõmmõne ilo jerbal ilo kwalok nan, kwojjab aikwij eñjake einwõt kar ejelok kwunam. Einwõt Paul, kwe bareinwõt kwomaroñ “kennan gospel an joij in Anij,” im kõmmõn joñan eo kajur im wãwen eo am ej kõtlok am kõmmõne. (Jerbal 20:24) Ñe kwoj kate yuk ñõn kajejjet jerbal eo am, kememej bwe Jehovah ej buñburuen kake yuk.—Hib. 6:10.