“Emwij Kõkõmõnmõn e Ñõn Jerbal Emõn Otemjej”
1 Armij ro an Jehovah rainin rej jerammõn kin elõñ ekan ko lor jitõb ibbeir. (Ais. 25:6) Elõñ katak in Bible ko jemaroñ lõñliñ kake ikijen katak ibbed make im katak ibben family eo im ilo kwelok ko an congregation eo, kwelok ko relap, im convention ko. Ak jej kortokjen ke aolep men kein kin mejenkajjik eo ñõn an “wãppen im emwij kõkõmõnmõn e ñõn jerbal emõn otemjej”?—2 Tim. 3:17.
2 Lemnak mõk kin lãjrak in ekan ko lor jitõb ilo yiõ in 1998, eo enañin motlok jimettan in! Ikijen kwelok ko an congregation ilo week otemjej, jej etale enañin 23 book ko ilo Jeje ko ilo kajin Greek, elij kamelele ko ilo Insight on the Scriptures ikijen mour ko an 49 armij ro ilo Bible, im etale 138 peij ko ilo Proclaimers book eo. Jej bareinwõt elij juõn mõttan jilu in book eo Knowledge, im enañin aolepen book eo Mour indrio im Mour in Famili. Bareinwõt, jej bõk kakajur jen 12 copy ko in Ad Jerbal Ñõn Ailiñ Eo, 52 katak in Imõniaroñroñ, im enañin ejja joñan eo wõt public talk ko kin elõñ kain katak ko ilo Bible. Koba ibben men kein ej program ko ilo convention ko im kwelok ko relap. Ej juõn joñan elap in men ko remõn ilo jitõb rej bellok ñõn kij!
3 Kamolol kin Men in Letok ko Jen Jehovah: Ñõn lukkun bõk tokjen, jej aikwij kamolol kin etke Jehovah ear letok elõñ men ko ilo jitõb. Ad bõk men kein remõn renaj kalek tõmak eo ad im kakajurlok kõtan eo ad ibben. (1 Tim. 4:6) Bõtab, ekan ko lor jitõb ejjab bellok ñõn ad baj bõk nan in jiroñ ko wõt. Ej kamakit kij ñõn jaketo-jaketak mol eo ibben ro jet im kamaroñ kij bwe en bolemen ad kõmmõn einwõt ri karejar ro kin news eo emõn.—2 Tim. 4:5.
4 Jen jab jerwane aikwij ko ad ilo jitõb, ak ien otemjej jen kaddek juõn kõnan kin men in letok ko lor jitõb jen table eo an Jehovah rekajuburu im wor tokjen ir. (Mat. 5:3; 1 Pet. 2:2) Ñõn lukkun bõk tokjen ej aikwiji ad karõk ien kin men ko reaorõk einwõt keini ad katak ibbed make im katak Bible ibben family eo ad im bed ilo kwelok ko. (Ep. 5:15, 16) Jinekjej ko rekamõnõnõ jenaj bõki jen ad kõmmõn eindein enaj ekkar ñõn nan in rejañ eo ekakõrmol me Paul ear jeje ñõn Christian ri Hebrew ro retiljek, einwõt kar je ilo Hebrew 13:20, 21.