Kajerbal Brochure ko ñan Kareel Lemnak im Buru Jimor
1 Mol eo ilo Bible en kar kwaloke ilo juõn wãwen bwe en kareel lemnak im buru jimor. Ke Jesus ear kamelele kin mol eo ñan ro rar roñjake, ear kãlete katak ko me kar kaitoklimoen im kamakit ir. (Luke 24:17, 27, 32, 45) Tõbrak ko ilo jerbal in kwalok nan eo ad ej wawa ion jibadbad ko jej kõmmani ñan kalikar aikwij ko ilo jitõb an ro rej roñjake.
2 Brochure ko remaroñ kein jerbal ko rekeie ñan jibadõk lemnak im buruen ro jej iion ir ilo jerbal in kwalok nan eo ad. Lukkun lemnak kin ro remaroñ emmakit ñan ennan eo ilo kajjojo brochure ko jej kwaloki ilo September:
—Mõnõnõ Kin Mour Indrio Ion Lõl! Pija ko relõñ im eon ko rej kwalok kaki renaj jibañ ajiri ro im ro ejjab lukkun emõn air jelã read ñan melele kin karõk ko an Anij.
—The Government That Will Bring Paradise (Kien eo Me Enaj Bõktok Paradise). Jabdewõt armij ro rej jerbal ilo kien remaroñ emmakit ñan ennan in kin ewi wãwen Kien eo an Anij enaj kamadmõde abañ ko relap an armij.
—“Look! I Am Making All Things New (Lo! Ij Kõmman Aolep Men ko Rekãl).” Armij ro rar iion jorrãn renaj kamolol kin ennan in ekainemõn kin juõn ilju ej anemkwoj jen eñtan.
—Ta Eo Anij Ekõnan Bwe Jen Kõmmõne? Ilo 16 katak ko rekadu im lamwan, ro rekõnan bwe en laplok air jelã kin Bible remaroñ katak kin wãwen eo ejejjet ñan kabuñ ñan Anij.
—When Someone You Love Dies (Ñe Juõn Armij Ejitenburu Ibbam Ej Mij). Elõñ ro rej lale imõn ro remij rej mõnõnõ in wõr brochure in ñan lelok ñan family ko rej buromõj. Ruo sister ro rar kebak juõn family jiljilimjuõn uan ro me rar jar turin juõn lũp. Tokjen air jaketo-jaketak ennan in ekainemõn jen brochure eo, juõn Bible study ear ijjino ibben jinen family eo ilo ran eo juõn!
—Should You Believe in the Trinity? Juõn armij elap an tõmak ilo kabuñ emaroñ emmakit ñan mol eo rej loe ilo brochure in ej kajerwawaik katak in elap an Christendom.
3 Kwon jelã kajjen kajjojo brochure, im bebe kin ewi wãwen kwomaroñ kajerbale ilo wãwen eo emõntata ilo territory eo am. Kin ennan ko rej rejañ kaki, lale peij eo itulikin August 1998 Ad Jerbal Ñan Ailiñ Eo. Kimij kejatdikdik bwe Jehovah enaj kajerammõn jibadbad ko am ñan jibadõk lemnak im buruen armij.—Mark 6:34.