Jibañ Ro Jet Lo Kainemõn
1 Elõñ armij rej mõk in roñ kin jorrãn kõ, tarinae ko, kowaroñ, im iñtan. Kainemõn, meñe ejako jen report in news ko rainin, ej juõn men me armij rej lukkun aikwiji. Ñõn kainemõn ej melelen “ñõn lelok kakajur im kejatdikdik” im “ñõn kameraiklok buromõj ak abañ” an bar juõn. Einwõt Ri Kennan ro an Jehovah, jej bojak in jibañ armij ilo wãwen in. (2 Kor. 1:3, 4) Brochure ko ad rej bedbed ion Bible me jenaj lelok ilo August im September ewor ennan in kainemõn ko kin mol eo. (Rom. 15:4) Ijin ej jet nan in rejañ ko ñõn kwaloki iumin wãwen ko reinjuõn:
2 Juõn bwebwenato in news ekaburomõjmõj emaroñ kõmmõn juõn ien emõn ñõn kwalok nan im kainemõn ro jet, bõlen ilo am ba juõn men einwõt in:
◼ “Ñe men rot kein rej walok, jet rej lemnak elañe Anij ej lukkun bed im, elañe ej kea kake kij. Ewi am lemnak? [Kõtlok an uak.] Juõn wãwen ñõn jela elañe ewor juõn Anij ej ilo ad lale lõl eo ibelakid.” Konono Rome 1:20. Jitõñlok ñõn jet men ko me rej kwalok kin meletlet im yokwe eo an Anij. Inem wõnmanlok: “Ewor juõn brochure me I jela kwonaj bõk kainemõn jen e. Ej naetan Ta Eo Anij Ekõnan bwe Jen Kõmmõne? [Readi jet unin tel in katak ko jen kobban brochure eo.] Ewor iloan kein kamol ko rebin ejjab bwe ewor juõn Anij wõt ak bwe mõttan wõt jidik enaj bõktok jemlokin aolep wãwen ko renana jej jelmaeki rainin. Kwo kõnan ke readi?” Kõmmõn karõk ñõn bar jeblak.
3 Ilo ien bar jeblak, kwomaroñ ba:
◼ “Jaar bwebwenato kin men in kamol eo bwe Anij ej bed ke I ar door brochure eo Ta Eo Anij Ekõnan bwe Jen Kõmmõne? Bõlen kwar lo Katak 5, ‘Ta Karõk eo an Anij kin Lõl in?’ [Kwalok pija ko ilo peij 11.] Men in ej kalikar bwe juõn Anij ej kea ej bed. [Konono paragraph 7.] Juõn katak kin Bible ear jibañ iõ ñõn kijenmij iumin abañ ko kin mour jen ran ñõn ran kinke ej letok lemnak eo an Anij kin wãwen kein.” Ba bwe kwoj mõnõnõ in kwalok kilen katak Bible eo.
4 Kwalok nan ikijen kajerbal telephone jemaroñ kõmmõne ilo ad kajerbal brochure eo “Look! I Am Making All Things New (Lo! Ij Kõmõn Men Otemjej Bwe Ren Ekãl).” Kwomaron ba kajjiem im ba:
◼ “Ij telephone wõj kin juõn ennan eaorõk kinke I jab maroñ make iwõj.” Kamelele point ko relap ilo paragraph juõn ilo peij 3 ilo brochure eo, im kõmmõne einwõt kwoj bwebwenato ibben ilo ami jelmaek don. Kajitõk ibben kin ta lemnak eo an, im kõtlok an uak. “Bible eo aõ ej bellok ñõn Isaiah 45:18. Eon in ej kwalok bwe lõl in kar kõmmõne ilo an lemnak kin kij. I maroñ ke read wõj?” Elikin, kamelele kin unin brochure eo, im kajitõk kin ewi wãwen kwomaroñ bõklok juõn an copy.
5 Ñe kwoj bar telephone lok, kwomaroñ kajeoñ wãwen in ñõn jino juõn katak:
◼ “I kõnan kalaplok bwebwenato eo ad mokta ilo aõ kalikar wõn eo emaroñ jiroñ kij kin un eo unin mour. [Kamelele point ko relap ilo paragraph 12 im 13 ilo peij 8 ilo Look! brochure eo. Revelation 4:11 ej kamelele bwe Jehovah Anij ej Ri Kõmõnmõn eo ad. [Read.] Emol ej aikwij wor juõn unin ear kõmõnmõn kij. Armij ro me rar kõnan jela kin ta un eo rar katak Nan eo an Anij emwij jeje, Bible eo. I kõnan lewõj juõn ien emõn ñõn am kõmmõne.” Kamelele kin ewi wãwen jej kõmmõne katak kin Bible eo ad ilo ejelok wõnãn, im kõmmõn karõk ñõn jino juõn katak kin Bible.
6 Wãwen in emaroñ kainemõn ro rar iion mij eo an juõn ejitenburu ibbeir:
◼ “Ij kõmmõne juõn jerbal ñõn jibañ aolep ro rar luji juõn eo ejitenburu ibbeir ilo mij. Kinke men in emaroñ juõn ian men ko rebintata jabdewõt iad jemaroñ kijenmij kake, brochure in, Mõnõnõ Kin Mour In Drio ion Lõl!, emaroñ juõn men in kainemõn. Ear jibañ elõñ million armij. I kõnan kwalok ñõn yuk ta eo ej ba kin juõn ennan ekamõnõnõ Jesus Christ ear kõmmõne. [Konono nan ko ilo No. 48, ekoba John 5:28,29.] Lale pija in eo ej kwalok kin kallimur eo an Bible kin juõn ien ñe ro jitenburu ibbed naj jeblak jen mij. Elañe kwo kõnan readi brochure in ej kainemmõn, I naj mõnõnõ in door e ibbõm.”
7 Ñe kwoj bar jeblak, kwomaroñ bar kwalok pija eo ilo No. 48 ilo brochure eo “Mõnõnõ Kin Mour In Drio ion Lõl!” im ba:
◼ “Ilo bwebwenato eo ad mokta jaar etale ta eo Bible ej ba kin jerkakbiji. [Bar konono nan ko ilo No. 48.] I kõnan kwalok ñõn yuk bar juõn eon me enaj jibañ kij in tõmak kin kallimur in. [Konono John 11:25.] Elañe buruõm ekõnan tõmak bwe kwonaj maroñ bar lo eo ejitenburu ibbõm emij, kõtlok bwe in jibañ yuk tõmak ilo kejatdikdik in.” Tilmaake juõn katak kin Bible.
8 Jen kõmmõn joñan wõt ad maroñ ilo alliñ ko rej itok ñõn kajeoñwe Jesus ilo ad ‘kainemõn ro otemjej rej liãjlol.’—Ais. 61:2.