Karõk Lok Iman!

¹ Dolul eo an Jehovah ej keini an letok juõn program in makitkit ko rej theocratic kar eiki ñan kabwe aikwij ko ad ilo jitõb. Kamolol ej kamakit kij ñan kortokjen aolep men ko kar karõki, einwõt lotok ko an overseer ro rej ito-itak, assembly im convention ko, im makitkit ko jet rejej uair kar karõki ñan bukwon eo. (Matu 5:3) Bõtab, jet rej likjap in bõk tokjen jen elõñ ian men in letok kein ilo jitõb kin karõk ko jet rar kõmmani. Ta eo jemaroñ kõmmane ñan bõprae men in jen an walok? Ewi wãwen jemaroñ kõmman bwe makitkit ko rejjab theocratic ren jab kobrak “men ko re lijiklok”?​—Pil. 1:10.

² Karõk ko Remeletlet Ej Men in Aikwij: Jabõn Kennan Ko 21:5 ej keañ: “Lemnok ko an dri owõn, re men in jerammõn; a jabrewõt eo e eur ilo bebe, ej jarõplok ñõn aikwij.” Ñan bõk “jerammõn” ko ilo jitõb, jej aikwij karõk lok iman ilo tiljek, im lemnak kin makitkit ko rej theocratic kar karõk kaki. Jej aikwij karõk makitkit ko ad make ñan juõn ien me ejamin bõprae ad maroñ madmõd jerammõn ko ilo jitõb. Elañe ej mõkaj ad karõk men ko jekõnan make kõmmani, ilo ad jab lemnak kin makitkit ko rej theocratic rej berotok, ekkã ad naj iion “aikwij” ko ilo jitõb.

³ Kwon Jab Likjap! Kij aolep jej kõmman karõk ko kin ilju im jeklaj, ekoba ien kakije ko, trip in business ko, lolok ro nukid, im men ko eierlok wõt. Mokta jen kwoj kõmman juõn kallimur ak kabin karõk ko am, lale schedule eo kin makitkit ko rej berotok. Elañe kwoj lo bwe circuit overseer eo enaj itok ak kar karõk juõn assembly ilo ejja ien eo wõt kwonaj jako, kõmman jibadbad ko ñan ukõt makitkit ko am bwe kwon maroñ bõk kunam. Rej kejelã kij lok wõt iman kin makitkit ko relap rej berotok. Elder ro ilo congregation eo am remaroñ jiroñ yuk kin ta ko kar karõki ilo bukwon eo am.

⁴ Ilo ad jerbale lolokjen im karõk lok iman kin men ko relijiklok, jenaj “obrõk kin leen wãnik, . . . ñõn kaibujuij im wijtake Anij.”​—Pil. 1:11.