Ta Karõk ko Am Ñõn Summer In?
1 Ejjab mol ke bwe enaj laplok ad maroñ tõbar mejenkajjik ko ad remõn ñe jej karõk ien ko ad ilo wãwen eo emõntata? Ien summer ej letok ien ko remõn ñõn kalaplok jerbal in theocratic ko ad. (Jabõn Kennan 21:5) Ta jet ian men kein?
2 Etke kwojjab karõk ñõn kalaplok jerbal in kwalok nan eo am ilo ien summer? Ien summer ej kõtlok bwe elõñ armij ren kalaplok air ien jerbal ilo jerbal in kwalok nan. Kakije jen school ej lelok ñõn jodikdik ro ien emõn ñõn auxiliary pioneer ilo juõn ak elõñlok jen juõn alliñ ko ilo summer. Ro jet bareinwõt remaroñ karõk ñõn auxiliary ilo August, ñe enaj wor 5 weekend ko. Ilo August in, ñe jenaj kajemlok yiõ in jerbal in, juõn jibadbad elap naj kõmmõne ñõn rejañ aolep ñõn bõk kwunair ilo joñan eo remaroñ ilo jerbal eo.
3 Kwo kõnan ke jibañ juõn congregation ebak me ej aikwiji jibañ ñõn jerbal ilo territory eo an? Circuit Overseer eo emaroñ kõjelaik elder ro kin aikwij ko ilo bukwon eo am. Ak, elañe ewor am maroñ im kwo kõnan apply ñõn Society eo ñõn jerbal ilo territory ko ejeja air jerbal ie ak territory ko rejañin karõki ñõn juõn congregation, kwo maroñ bõk juõn application jen elder ro. Elañe kwonaj kakije ilo bar juõn jikin, karõk ñõn bed ilo kwelok ko im bõk kwunair ilo jerbal in kwalok nan ilo bukwon eo. Elañe kwoj lolok ro nukum rejjab Ri Kennan ro an Jehovah, keboj lok iman kin wãwen ko kwomaroñ jaketo-jaketak mol eo ibbeir.
4 “Wãwen Mour eo an Anij” District Convention ej juõn men in walok me kij aolep jej aikwij jino lemnak kake ilo summer in. Jino kõmmõn karõk ko kiõ ñõn bõk ien kakije jen jikin jerbal eo ak jen school bwe kwon marõn bed ilo kajjojo ran in kwelok eo. Karõk ko ñõn itoitak ren bareinwõt kõmmõni lok iman.
5 Ta karõk ko am ñõn summer in? Ejelok bere kwo kõnan kakijeik enbwinõm. Ak kwon jab likjap in lale ien ko elaplok an aorõk ñõn kakajurlok kwe make ilo jitõb ilo am wõnmanlok im likit men ko an Ailiñ eo moktata ilo am mour.—Mat. 6:33; Ep. 5:15, 16.