Aikwij—100,000 Auxiliary Pioneer ro
Kwomaroñ ke Auxiliary Pioneer ilo March? April? May?
1 “Aikwij 1,000 Ri Kwalok ro” kar unin tel in juõn katak me kar jeje ilo April 1881 magazine in Watch Tower eo. Ear wor juõn eowor ñõn aolep maan im kõrã ro me emwij wujleplok air mour, “ro me Iroij ear lelok jelalokjen kin mol eo An,” ñõn kajerbal jabdewõt ien rar maroñ ñõn bõk kwunair ñõn kajededlok mol eo ilo Bible. Ro rar maroñ lelok jimettan ak elõñlok ian ien ko air ñõn kõmmõn jerbal eo an Iroij kar rejañ ir ñõn lelok ir make einwõt colporteur evangelizers—ro einwõt pioneer ro rainin.
2 Meñe ien ko reoktak jen kar yiõ ko ilo 1800 ko, juõn mol eo ej ejja eindein an bed—ri karejar ro me emwij wujleplok air mour an Anij rekõnan wõnmanlok im kajerbal ien ko air joñan wõt air maroñ ñõn kajededlok news eo emõn. Jerbal einwõt juõn auxiliary pioneer ej jibañ ri kwalok ro ilo congregation eo ñõn kakõmõnmõnlok air bolemen ñe rej kalaplok ien eo air ilo jerbal in kwalok nan kin Ailiñ eo.—Kol. 4:17; 2 Tim. 4:5.
3 Jen ien eo ear jinoe, elõñ buki thousand brother im sister ro rar lõñliñ ilo jerbal in auxiliary pioneer. Kijejeto kin wãwen jerbal in ilo jerbal in pioneer ear eddeklok ñõn joñan eo me juõn laplok kin elõñlok jen 100,000 auxiliary pioneer ro kar tõbari ilo territory eo iumin ra eo ilo United States ilo April 1985! Jilu alen ko jen ien eo, elõñlok jen 100,000 ri kwalok ro rar bõk kwunair einwõt auxiliary pioneer ro ilo alliñ in April—ilo 1988, 1989, im 1992. Maroñ eo ej bed ñõn bar kõmmõne jibadbad in ilo man rak in 1997.
4 Kimij rejañ yuk ñõn kõmmõn mejenkajjik eo ñõn lõñliñ kin jerbal in auxiliary pioneer ilo juõn ak elõñlok ian alliñ ko ilo March, April, im May. Etke kobaik March? Kinke ilo yiõ in Kwojkwoj eo kin mij eo an Christ enaj walok ilo Sunday, March 23. Ejelok bar juõn wãwen emõnlok ñõn kajerbal week ko mokta jen ien Kwojkwoj eo jen am bõk kwunam ilo kijejeto ilo jerbal in kwalok nan kin Ailiñ eo me Iroij im Ri Lomor eo ad, Jesus Christ, ear kajutake. Ñe jej kalaplok ad jerbal in kwalok nan ilo March, jemaroñ kirtok elõñ ro rej itoklimo ñõn koba ibbed ñõn kwojkwoje mij eo an Christ. March ej bareinwõt ejej uan kinke, kin ien eo moktata, jenaj kwalok brochure eo ekãl, Ta eo Anij Ekõnan Bwe Jen Kõmmõne?. Bareinwõt alliñ in March ewor lalem Saturday ko im lalem Sunday ko, ko rej kõtlok elap ien ñõn kõmmõn jerbal in kwalok nan ilo weekend ko. Emol, ilo alliñ ko in April im May, juõn jibadbad ekijejeto ilo jerbal in kwalok nan enaj letok ñõn kij ien ñõn bar jeblak ibben ro rar kwalok air itoklimo im jino katak Bible ko rekãl, ilo kajerbal Jen Kõmmõne brochure eo. Enaj bareinwõt let ad jerbal ilo territory eo ad, elaptata ilo weekend ko, kin magazine in Imõniaroñroñ im Awake! ko rekãl.
5 Wõn Ro Rej Bõk Tellokin ñõn Auxiliary Pioneer?: Organized to Accomplish Our Ministry, peij 114, ej kamelele: “Jekdon ta wãwen ko am make, elañe emwij am baptais, ej emõn mwilõm, kwomaroñ kauñ 60 awa ko ilo juõn alliñ ilo jerbal in kwalok nan im kwoj tõmak bwe kwomaroñ jerbal einwõt juõn auxiliary pioneer iumin juõn ak ruo alliñ ko, elder ro ilo congregation eo renaj mõnõnõ in etale application eo am kin jerammõn in jerbal in.” Kwomaroñ ke kõmmõn ien ilo schedule eo am kin jerammõn in ilo March? April? May?
6 Juõn lemnak emõn ibben kumi in elder ro, ibben an aolep ri kwalok ro jet rejtak ir kin aolepen burueir, en kar kõmmõn bwe uak eo ñõn nan in kir in kin 100,000 auxiliary pioneer ro en wor tõbrak ie. (Hib. 13:7) Aolep ro bõran famiy ko rej rejañ ir ñõn lale jete ian ro uan family ko air remaroñ koba ilo jerbal in auxiliary pioneer ilo juõn ak elõñlok alliñ ko rej berotok.—Sam 148:12, 13; keiri Jerbal 21:8, 9.
7 Kwon jab mõkaj in bõk lemnak eo bwe auxiliary pioneer ej lejen joñan am maroñe kin jerbal eo am full-time, schedule in school eo, eddo ko an family eo, ak eddo ko jet ekkar ñõn Jeje ko. Ñõn jet ejamin bidodo air bõk kwunair; mekarta, kin karõk ko remõn im kajerammõn jen Jehovah, remaroñ lo tõbrak. (Sam 37:5; Jabõn Kennan 16:3) Kõtlok bwe kõnan eo ñõn bõk kwunam ilo jerbal in pioneer en tel wãwen ko am; jab kõtlok bwe wãwen ko am en tel kõnan eo am ñõn pioneer. (Jabõn Kennan 13:19a) Kin men in, kin juõn yokwe ekajur kin Jehovah im kin ro jet, elõñ remaroñ ukõt schedule in mour ko air bwe ren maroñ kalaplok jerbal in kwalok nan eo air jen alliñ ñõn alliñ. (Luke 10:27, 28) Elõñ jerammõn ko rej kõttar ro rej kate ir ilo jerbal in Ailiñ eo.—1 Tim. 4:10.
8 Ta eo Auxiliary Pioneer ej Kõtõbrake: Jibadbad eo kin aolepen burueir me elõñ thousand ri karejar ro an Anij rej kõmmõne ñõn auxiliary pioneer ej walok ilo juõn lamõj elap ilo nebar Jehovah. Ñe ri keañ rein kin Ailiñ eo rej kate wõt ir ñõn kajededlok news eo emõn ñõn elõñlok armij, rej kebakelok ir make ñõn Jehovah kinke rej katak ñõn atartar ion kin jitõb eo an im kajerammõn jen e.
9 Ilo an wor auxiliary, regular, im special pioneer ro rej jerbal ibwiljiid ej kõmmõn juõn jitõb ekajur im kãl ilo congregation eo. Kijejeto eo air ekabobo ñe rej konono kin experience ko air ilo jerbal in kwalok nan. Men in ej kamakit ro jet ñõn etale men ko reaorõk ibbeir im maroñ eo ñõn bõk kwunair ilo jerbal eo eaorõktata kin kwalok nan. Juõn sister eo ear baptais ke ear 70 yiõ rittan ear jino ilo mõkaj ñõn auxiliary pioneer alliñ ko otemjej. Ke rar kajitõkin e jet yiõ ko tokelik kin etke, ilo joñan rittan, ear wõnmanlok im kate wõt e ilo jerbal in kwalok nan einwõt juõn auxiliary pioneer kajojo alliñ, ear ba bwe ear eñjake bwe yiõ ko 70 ilo jinoin mour eo an ear einwõt ejelok tokjen, im ear jab kõnan kajetokjen bween mour eo an!
10 Kajojo armij ro rej bõk kwunair ilo jerbal in auxiliary pioneer ej kaddeklok juõn kabel emõnlok ilo jerbal in kwalok nan. Juõn ri kennan jodikdik ear ba: ‘Ke iar dik iar etal ibben jema im jinõ ilo jerbal in kwalok nan eo air. Jerbal in kwalok nan ear kamõnõnõ. Bõtap, tokelik iar kile bwe ilo school iar oktak jen ri school ro jet. Inem ear jino bin aõ konono ñõn ri school ro jet mõtta kin mol eo. Ke iar kwalok nan jen em ñõn em, iar jino ãliklik in wõnmae juõn armij iar jela kajjen jen school. Ilo case eo aõ ij lemnak abañ eo kar bwe iar mijak armij. [Jabõn Kennan 29:25] Elikin iar kadiojlok jen school, iar bebe ñõn kajeoñ pioneer jen ien ñõn ien. Tokjen men in, kwalok nan ear laplok an emejaja jen mokta. Ejako aõ lemnak kake einwõt juõn jerbal ekamõnõnõ, im ear jab juõn eddo elap. Ke iar lo ri katak Bible ro aõ rej wõnmanlok ilo mol eo, iar lõñliñ kin juõn juburu emwilõl ilo aõ jela bwe Jehovah Anij ear bed ilikin jibadbad ko aõ.’ Jodikdik in ear wõnmanlok im jerbal einwõt juõn regular pioneer.
11 Jen juõn lemnak ekeie, ñe elõñ rej jerbal einwõt auxiliary pioneer ro ilo congregation eo, juõn jerbal elet kin territory eo ej walok. Brother eo ej bõk eddon lelok territory ko emaroñ kajitõk ibben auxiliary pioneer ro kin jibañ ñõn jerbal ilo mõttan ko ilo territory eo me ejeja air jerbal ie. Bõk ibbõm kijõm mõñã in raelep im jerbal aolepen ran eo ilo jerbal in kwalok nan enaj kamaroñ auxiliary pioneer ro ñõn jerbal ilo jikin ko etolok tata ilo territory eo.
12 Elder ro Rej Aikwij Kõmmõn Kabojak ko Lok Iman: Iumin alliñ ko jilu rej berotok, rej aikwij kõmmõn karõk ko kin jerbal ko reinjuõn kin kwalok nan ilo ien ko reoktak ilo juõn week, ekoba ilo elikin raelep im ilo jota, bwe elõñ ri kwalok ro remaroñ bõk kwunair. Kobaik ien ko ñõn jerbal tõrerein ial, jerbal ilo jikin business, im bar jeblak ñõn moko kar ejelok armij ie, ijellokin jerbal eo jen em ñõn em. Ilo air kõmmõn kabojak ko lok iman, elder ro renaj jibañ ro rej pioneer ñõn bõk kwunair ilo kwalok nan ibben congregation eo ilo ien eo emõntata ekkar ñõn schedule eo air. Congregation eo ej aikwij jela kin aolep karõk ko kin jerbal in kwalok nan. Karõk ko kin kwelok in kwalok nan rej aikwij kwon. Bareinwõt, ej aikwij bwe aolep territory ko remaroñ jerbal ie im magazine im book ko jet rej aikwij order ilo mõkaj.
13 Kwon Kõmmõn Schedule eo Am Make kin Kwalok Nan: Juõn brother, eo ilo jinoin ear mijak in auxiliary pioneer, ear ba: “Emol an bidodolok jen iar lemnak kake mokta. Ej baj aikwiji juõn schedule emõn.” Ilo peij eo ilikin ilo insert in, kwoj lo ke juõn wanjoñok kin schedule in auxiliary pioneer me enaj keie ñõn yuk? Am schedule 15 awa ko ilo kajojo week ñõn jerbal in kwalok ej aolepen ien eo kwoj aikwiji ñõn auxiliary pioneer.
14 Ñõn jerbal einwõt auxiliary pioneer ro, limaro ri belele im ri jerbal ro me rej jerbal ilo jota lok ñõn lukkun boñ ekkã air maroñ kwalok nan in jibboñ. Ri school ro im ri jerbal ro me rej jerbal jen lukkun boñ ñõn jorantak remaroñ kajerbal elikin raelep ko ñõn kwalok nan. Ro rej jerbal full-time jet ien rej kajitõk elañe remaroñ kakkije juõn ran ilo juõn week ak rej kortokjen aolep weekend ko ñõn kwalok nan, ijellokin air kwalok nan ilo jota. Elõñ me ekkã air jerbal ilo weekend wõt rej kãlet alliñ ko me ewor lalem weekend ko. Men in ej mol ikijen March, im bareinwõt August im November 1997. Ilo kajerbal schedule eo ejelok kobban ilo peij 6 einwõt juõn men in tel, kwon kalmenlokjen im jar kin ta eo enaj keie ñõn schedule in kwalok nan kin wãwen eo am make.
15 Juõn tokjen jen men in letok eo kin auxiliary pioneer ej ukoktak eo an. Kwomaroñ kãlet alliñ ko me kwonaj pioneer, im kwomaroñ jerbal ilo joñan eo kwo kõnan. Elañe kwo kõnan auxiliary pioneer ilo alliñ otemjej ak kwojjab maroñ, kwar lemnak ke in kanne am application juõn alliñ lok in juõn alliñ iumin juõn yiõ? Ijo tu-rãjet, jet remaroñ wõnmanlok im jerbal einwõt juõn auxiliary pioneer iumin juõn ien eaetok.
16 Juõn Kaminene kin Pioneer ilo Full-Time: Elõñ me ewor jitõb in pioneer ibbeir rekõnan jerbal einwõt regular pioneer, ak rej lemnak elañe ewor ien, wãwen ko, im kajur eo ñõn e. Ejelok bere bwe enañin aolep ro rej regular pioneer kiõ rar mokta kajerbal jerbal in auxiliary pioneer einwõt juõn men in kaminene kin jerbal in full-time. Ilo am kalaplok schedule in auxiliary pioneer kin juõn wõt awa ilo kajojo ran, ak juõn ran eyu ilo kajojo week, enaj kamaroñ yuk ñõn kajejjet schedule in regular pioneer eo. Ñõn lale elañe kwomaroñwe, etke kwojjab kajeoñ in jerbal 90 awa ko ilo jerbal in kwalok nan iumin juõn ak elõñlok alliñ ko in am auxiliary pioneer? Ilo ejja ien eo wõt, kwonaj kalaplok bar jeblak ko im Bible study ko am, eo enaj kamelim yuk ñõn lõñliñ kin juõn jerbal in pioneer ejokkin wõt juõn.
17 Juõn sister ear lõñliñ kin jiljino yiõ ko in an auxiliary pioneer ilo alliñ otemjej. Iumin aolepen ien in kar mejenkajjik eo an ñõn deloñ ilo jerbal in regular pioneer. Kin mejenkajjik in, ear kajeoñ in jerbal ilo emen jikin jerbal ko ñõn kabellok juõn wãwen me enaj likit men in aikwij eo kin 90-awa ko an regular pioneer ro ilo juõn joñan eo ear maroñ kõtõbrake. Kajojo alliñ, ear kõmmõn juõn ak ruo schedule ko ñõn lale elañe ej maroñwe. Ak ilo an etali, ear eñjake bwe jerbal in full-time ear lejen an maroñwe. Jekdon men in, ear wõnmanlok im kajitõk ibben Jehovah kin tel eo an. Inem, juõn ran ke ear kabojak ñõn Service Meeting eo, ear konono juõn katak ilo September 1991 Ad Jerbal Ñõn Ailiñ Eo me ear ba: “Jen an lejen joñan am lemnak kin men in aikwij eo kin awa eo, etke kwojjab lemnak kin an laplok ien eo emõn ñõn bõk kwunam ilo jerbal in aini eo? (John 4:35, 36)” Ear ba: “I ar konono sentence in lalem ak jiljino alen ko, im iar liki bwe men in kar uak eo an Jehovah. Ilo ien eo iar kõmmõn juõn bebe ñõn deloñ ilo jerbal in regular pioneer.” Meñe jerbal eo an part-time ear jab lukkun emõn, ear kadeloñ application eo an ñõn regular pioneer. Juõn week tokelik schedule eo an ear oktak, im rar lelok ñõn e awa in jerbal ko me ear jejjet ñõn e. Ear kajemlok, “Kwojjab errã ke bwe men in kar juõn kajerammõn jen Jehovah?,” im ear kobaik: “Ñe kwoj kajitõk ibben Jehovah kin tel im kwoj bõke, kwon jab kajetokjen—bõke.” Elañe ej kõnan eo am ñõn regular pioneer, bõlen ilo jemlokin jilu alliñ ko in am auxiliary pioneer ilo March, April im May in, kwonaj lo bwe kwe bareinwõt kwomaroñ lo tõbrak in am jerbal ilo full-time.
18 Jej liki bwe Jehovah enaj kajerammõn kijejeto eo im enaj jurake jibadbad ko an armij ro an ñe rej kwalok news eo emõn kin lomor ilo ien in ejej uan ñõn jerbal. (Ais. 52:7; Rom. 10:15) Kwonaj uak ke ñõn kir eo kin 100,000 auxiliary pioneer ro ilo am bõk kwunam ilo March? April? May?
[Box eo ilo peij 3]
Ewi Wãwen Kwomaroñ Lo Tõbrak einwõt juõn Auxiliary Pioneer
■ Kwon liki bwe kwonaj maroñ lo tõbrak
■ Jar ñõn Jehovah ñõn kajerammõn jibadbad ko am
■ Kirtok bar juõn ri kwalok ñõn pioneer ibbõm
■ Kõmmõn juõn schedule in kwalok nan ekeie
■ En bwe order in magazine ko am
■ Rejtak karõk ko an congregation eo kin kwalok nan
■ Bukõt ien ko remõn ñõn kwalok nan ilo jabdewõt ien emõn tok