Jenaj Bar Kõmmõne ke?—Bar Juõn Kir kin Auxiliary Pioneer ro
1 Jenaj bar kõmmõne ke? Jenaj auxiliary pioneer ke ilo ien Kwojkwoj in Kijota in? Ilo March 1997 Ad Jerbal Ñõn Ailiñ Eo peij eo iloa ear kaitoklimoid kin title eo emej: “Aikwij—100,000 Auxiliary Pioneer ro.” Kimar liki bwe kom naj kar lemnak ilo mwilõl kin nan in kir in. Ke rar aini report in kwalok nan an March 1997, rar mõnõnõ in lo bwe 116,335 armij rar deloñ ilo jerbal in auxiliary pioneer! Elañe jej koba ñõn oran in 70,472 regular pioneer ro im 181 special pioneer ro me rar report ilo alliñ en, jej lo bwe enañin 20 percent in aolep ri kwalok ro rar bed ilo jerbal in pioneer. Jenaj bar kõmmõne ke ilo ien Kwojkwoj in Kijota in?
2 Kimij nebar ilo mãnãn aolep ro rar kate ir ñõn kalaplok air jerbal in kwalok nan ilo jinoin yiõ eo lok. Alikar, yokwe eo ejelok kibbon ie kin Jehovah Anij im kin ro ri turim kar kamakit kom. (Luke 10:27; 2 Pet. 1:5-8) Ri kwalok ro ilo kajjo wãwen mour rar karõke jerbal ko air bwe ren maroñ bõk kwunair ilo jerbal in auxiliary pioneer. Ilo juõn congregation, 51 ri kwalok ro rar pioneer ibben don ilo ejja alliñ eo wõt, ekoba enañin aolep elder ro, juõn jinen ewor juõn nejin ledik 15 alliñ ridtan, juõn sister eo ear to jen jerbal eo an im bukõt juõn jerbal part-time ñõn kamaroñ e ñõn pioneer, im juõn sister eritto eo ejañin kar pioneer. Circuit overseer eo ear je: “Juõn jibadbad elap ilo jerbal in kwalok nan ej wõnmanlok. . . . Men in ejjab jelet territory eo wõt ak congregation ko rej bullullul kin kijejeto. Jimjen jimjaten ro rej mõnõnõ in jela lok kajjen don im bareinwõt lo tokjen ko remõn ilo jerbal in kwalok nan.”
3 Jodikdik ro rar bar koba ilo yiõ eo lok. Juõn ri kwalok ejañin baptais 13 an yiõ ear kijororetok ien eo ke ear maroñ kalikar wujleplok eo an ñõn Jehovah. Elikin an baptais ilo February, emõkaj an kar kadeloñ an application ñõn auxiliary pioneer ilo March. “Experience ko relõñ im kabwilõñlõñ kim ar lõñliñ kaki reban kar walok elañe ear jab wor nan in kir eo ej yokwe ñõn pioneer,” ear je. “Ij kamolol Jehovah bwe iar maroñ ibwiljin rein 100,000 ro rar uak.” Ear kõmmõn juõn mejenkajjik ñõn bar kõmmõne.
4 Bõlen kwoj ibwiljin 256 ro ilo Micronesia me rar bõk kwunair ilo jerbal in auxiliary pioneer ilo March ilo yiõ eo lok. Kwonaj bar kõmmõne ke ilo yiõ in? Elañe kwar jab maroñ pioneer ilo yiõ eo lok, kwomaroñ ke kõmmõne ilo yiõ in?
5 Kalmenlokjen kin April im May: Ilo yiõ in, Kwojkwoj in Kijota eo ej walok ilo Saturday, April 11, im ej kõmmõn bwe April en juõn alliñ emõn ñõn kalaplok am jerbal in kwalok nan. (2 Kor. 5:14, 15) Ilo ran ko 11 jinoin alliñ eo, jenaj kate kij ñõn kirtok ro rej itoklimo ilo joñan eo jemaroñ ñõn bed ilo Kwojkwoj in Kijota eo.
6 Kinke May ewor lalim weekend ko reyu, ri kwalok ro rej bed ilo school ak ro rej jerbal full-time remaroñ lo bwe enaj bidodo lok air auxiliary pioneer ilo alliñ en. Ilo am schedule e joñoul awa ko ilo jerbal in kwalok ilo weekend kein lalim, kwonaj aikwij mõttan joñoul wõt awa ko ñõn tõbar 60 awa ko ej men in aikwij.—1 Kor. 14:40.
7 Ilo May im June jimor, jenaj lelok kajjojo copy in Imõniaroñroñ im Awake! einwõt book in lelok eo. Men in en kar rejañ elõñlok iad ñõn kate ir im pioneer. Etke kimij ba men in? Magazine ko rej bidodo ñõn leloki im ekamõnõnõ ñõn kajerbali ilo jerbal in kwalok nan. Rej ekkar ñõn kajerbali ilo aolep wãwen ko ilo jerbal in kwalok nan—jerbal eo jen em-ñõn-em im jen mõn wia-ñõn-mõn wia, im bareinwõt ñe jej kebak armij turin ial, ilo jikin park wa ko, im ilo jikin kallip ko im ilo jabdewõt wãwen ko jet. Elañe jej lemnak kin wãwen eo magazine kein reaorõk rar jelet mour eo ad, men in enaj kamakit kij ñõn ad bõk kwunad in leto-letaki ilo joñan eo jemaroñ ilo May im June.
8 Ilo kebojak kin jerbal eo elaplok in leto-letak magazine ko, kwonaj bõk tokjen jen am eliji katak kein: “Imõniaroñroñ Eo im Awake!—Rej Jeje ko in Mol? (July 1, 1994, Imõniaroñroñ), “Kejerbal Magazine ko Ad ilo Wãwen Eo Emmõntata” (September 1995 Ad Jerbal Ñõn Ailiñ Eo), im “Keboje Ennan Eo Am Make kin Magazine Eo” (November 1996 Ad Jerbal Ñõn Ailiñ Eo).
9 Elder ro Rej Tel: Ñõn jibañ ri kwalok ro rar pioneer ilo yiõ eo lok, elder ro ilo juõn congregation rar karõk juõn Saturday ilo alliñ eo einwõt juõn ran ejej uan ñõn kwalok nan. Karõk ko kar kõmmõni ñõn kwelok ilo elõñ kajjo ien ko ilo ran eo, im lelok ñõn aolep ilo congregation eo ien eo emõn ñõn bõk kwunair ilo kajjo wãwen ko ñõn kwalok nan. Men kein rar koba jerbal ilo jikin business ko, kwalok nan turin ial, kwalok nan jen em ñõn em, kõmmõn bar jeblak ko, jeje letter ko, im kwalok nan ikijen kajerbal telephone. Tokjen eo kar kabwilõñlõñ, kin 117 ri kwalok ro rar bõk kwunair ilo kwalok nan ilo ran eo. Kairujruj eo ilo Saturday eo kar wõnmanlok ilo Sunday, kin juõn tokjen in oran eo enañin laptata in ri kwelok ro ilo Public Meeting eo im Katak in Imõniaroñroñ.
10 Service overseer eo enaj aikwij kõmmõn karõk ko ñõn jerbal ilo territory ko ejeja air jerbal ie. Remaroñ bareinwõt kalaplok air lale ro rar jako jen mweo imweir im kwalok nan turin ial ko im jen mõn wia ñõn mõn wia. Remaroñ kakememej kin kwalok nan ilo jota, im en bwe order in magazine ko ñõn May im June ilo lemnakelok jerbal eo elaplok.
11 Elõñ Ri Kwalok ro Remaroñ Bõk Tellokin Sentence eo moktata ilo application eo ñõn auxiliary pioneer ej ba: “Kin yokwe eo aõ ñõn Jehovah im kõnan eo aõ ñõn jibañ ro jet ñõn katak kin e im karõk ko an rej yokwe, I kõnan kalaplok kwunaõ ilo jerbal in kwalok nan ilo aõ deloñ einwõt juõn auxiliary pioneer.” Yokwe Jehovah im kõnan eo ñõn jibañ ro jet ilo jitõb rej men ko reaorõk ilo wujleplok eo ad. (1 Tim. 4:8, 10) Ñe kij aolep jej lemnak kin wãwen ko ad, jet iad me jejañin pioneer jemaroñ ke kõmmõne ilo yiõ in ilo April ak May?
12 Elõñ ilo congregation ko remaroñ kile bwe remaroñ pioneer bareinwõt ñe rej lo ro jet ilo wãwen ko einlok wõt ibbeir rej kõmmõne. Ajiri ro rej school, ro rej ritto, ro rej ri jerbal full-time, ekoba elder ro im ministerial servant ro, im ro jet rar lo tõbrak ilo air auxiliary pioneer. Etke jab kwe?
13 Jesus ear kamol ñõn ri kalor ro an: “Bwe Aõ ine ej emõn, im men eo Ij inek e emera.” (Mat. 11:30) Eñin kar unin tel eo an juõn katak ej kakajur ilo March 1, 1996, Imõniaroñroñ. Ej bwebwenato kin juõn sister eo ear jerbal full-time ilo juõn jikin jerbal eo elap an jerbal ie. Ear lemnak ke bwe ear jab maroñ jerbal einwõt juõn auxiliary pioneer? Jaab. Ilo mol, ear maroñ auxiliary pioneer kajjojo alliñ. Etke? Kinke ear eñjake bwe jerbal in pioneer ear maroñ jibañ e bwe en jokkin wõt juõn. Jibañ armij ke rar katak mol eo ilo Bible im lo air kõmmõn oktak ko ilo air mour bwe Anij en buñburuen kake ir kar unjen lõñliñ eo elaptata ilo mour eo an eboub.—Jabõn Kennan 10:22.
14 Jabdewõt men in lelok ko im oktak ko juõn armij ej aikwij kõmmõni bwe en maroñ pioneer rej dik wõt ñe keiri ibben aolep jerammõn ko renaj lõñliñ kaki. Juõn sister ear je kin experience eo an einwõt juõn auxiliary pioneer: “Ear jibañ iõ ñõn jolok aõ lemnak kin ña make im ñõn kalaplok aõ lemnak in jibañ ro jet. . . . Ij rejañ kin jerbal in ñõn ro remaroñ kõmmõne.”
15 Juõn Schedule Emõn Ej juõn Men in Aikwij: Ibben Ad Jerbal Ñõn Ailiñ Eo ilo alliñ in kimij kobaik juõn wanjoñok kin schedule ko in auxiliary pioneer. Bõlen juõn iair enaj jejjet ñõn wãwen ko am. Ñe kwoj lali, lemnak kin jerbal ko ekkã am kõmmõni ilo alliñ eo. Ta jerbal ko ilo mweo imõm kwo maroñ kõmmõni lok iman ak doori mae tokelik? Jet ian ien ko kwoj kajerbali kin men in kamõnõnõ ko, ikkure, im wãwen ko jet ñõn kakije kwomaroñ ke joloki? Jen am kalimjek 60 awa ko kwoj aikwiji, karõk schedule eo am ekkar ñõn kajjojo ran ak week. Kwoj aikwij 2 wõt awa ko ilo juõn ran ak 15 awa ko ilo juõn week ñõn auxiliary pioneer. Lale wanjoñok in schedule ko, im ilo am jibwe juõn pencil, kõmmõn juõn am schedule in kwalok nan me enaj jejjet ñõn kwe im family eo am.
16 Jabõn Kennan 21:5 ej kamol ñõn kij: “Lemnok ko an dri owõn, re men in jerammõn.” Jabõn Kennan 16:3 ej rejañ kij: “Kwon likit jerbal ko am na iben Jeova, im naj kabin bebe ko am.” Aet, ñe jej kobaik jar ñõn Jehovah ilo bebe eo ad im atartar ion ñõn jibañ kij lo tõbrak, jemaroñ liki karõk ko ad ñõn auxiliary pioneer. Bõlen elikin ad lo ewi joñan an emõn an jerbal schedule eo ad elikin ad auxiliary pioneer juõn ak ruo alliñ ko, jenaj maroñ kakkõleik box eo ilo auxiliary pioneer application me ej ba: “Kakkõleik ijin elañe kwo kõnan etal wõt im jerbal einwõt juõn auxiliary pioneer mae ien kwoj bar kõjelaik tok.”
17 Jesus ear kanan: “Eo ej liki Ña, jerbal ko Ij kõmõnmõni, e naj kõmõni bareinwõt; im jerbal ko relap jen kein e naj kõmõni.” (John 14:12) Ej jerammõn eo ad ekamõnõnõ ñõn jerbal einwõt ri jerbal ibben Anij ñe kanan in ej jejjet kitien ilo juõn wãwen elap. Kiõ ej ien ñõn kwalok news eo emõn kin juõn eñjake in ekaiuriur, im wiaik ien ñõn kõmmõne jerbal in. (1 Kor. 3:9; Kol. 4:5) Bõk kwunad joñan wõt ad maroñ ilo jerbal in auxiliary pioneer ej juõn wãwen emõn ñõn kõmmõn ijo kwunad einwõt ri keañ ro kin Ailiñ eo. Jej kijerjer ñõn lale naj ewi lapin al in nebar eo ilo ien Kwojkwoj in Kijota ilo yiõ in jen auxiliary pioneer ro. (Sam 27:6) Ilo lemnak kin tokjen ko rar walok ilo yiõ eo lok, jej lemnak, ‘Jenaj bar kõmmõne ke?’ Jej liki bwe jenaj!
[Box eo ilo peij 3]
Kwomaroñ ke Auxiliary Pioneer?
“Jekdon ta wãwen ko am make, elañe emwij am baptais, ej emõn mwilõm, kwomaroñ kauñ 60 awa ko ilo juõn alliñ ilo jerbal in kwalok nan im kwoj tõmak bwe kwomaroñ jerbal einwõt juõn auxiliary pioneer iumin juõn ak ruo alliñ ko elder ro ilo congregation eo renaj mõnõno in etale application eo am kin jerammõn in jerbal in.”—Organized to Accomplish Our Ministry, peij 114.