Jehovah Ej Katakin Kij
1 Iumin tel eo ekwojarjar juõn program in katakin eo ej walok ibelakin lal ej jerbal kiõ ilo 233 ailiñ ko. Lal in ejjab maroñ letok ñan kij jabdewõt men me emaroñ keidi ñan e. Ri Kaki eo ad Elap, Jehovah, ej katakin kij kin ewi wãwen jemaroñ bõk tokjen ko kiõ ke ej keboj kij kin mour indio.—Ais. 30:20; 48:17.
2 School ko kin Jelãlokjen eo Ekwojarjar: Lemnak kin school ko rej jerbal kiõ ñan tokjen eo an armij ro an Jehovah. Theocratic Ministry School eo, me ej walok kajjojo week ilo enañin 87,000 congregation ko, ej kamineneik elõñ million ri kwalok ro kin Ailiñ eo bwe ren ri karejar ro rekeie kin news eo emõn. Kwo nañin kadeloñ ke etõm? Kwoj ibwiljin elõñ thousand ro rar bed ilo Pioneer Service School ke me ej ruo week aetokin? Bõlen an diklok aikwij eo kin awa ko ñan regular pioneer ro enaj kamaroñ elõñlok armij ñan pioneer im ilo wãwen in tellokin air bed ilo school in. Ministerial Training School eo me ej ruo alliñ aetokin, im rej kõmmane kiõ ilo kajin ko relap ilo lal in, ej kamaroñ elder ro im ministerial servant ro rejañin mare ñan inek eddo ko relap rej theocratic. Jen ien ñan ien, aolep elder ro im ministerial servant ro rej bõk nan in kibel ko rejejjet ilo Kingdom Ministry School eo.
3 Em ko rar kaleki ilo Watchtower Educational Center ilo Patterson, New York, rej kajerbali einwõt jikin kwelok kin jilu school ko rejej uair, ko rej letok kaminene ko relap rej theocratic. School eo lalem alliñ aetokin in Watchtower Bible School of Gilead ej keboj ri karejar ro ñan jerbal in missionary ilo ailiñ ko jet. Ro uan Branch Committee ko jen belakin lal rej bed ilo juõn school ruo alliñ aetokin ñan katak kin karõk ko rej jerbal ilo ra eo. Ilo May 1999 juõn school ekãl im ej ruo alliñ aetokin ear ijjino ibben juõn class in 48 ri school ro jen United States im Canada. Eliktata, aolep ri karejar ro an Jehovah rej bõk tokjen ko remõn jen kaminene eo Jehovah ej letoke ikijen school kein.
4 Kar Katakin Ir kin Karõk Et Eo? Juõn uan Governing Body eo ear ba: “Program in katakin eo ad kiõ kar eiki ñan bõktok armij ro an Jehovah ijoko otemjej ñan juõn wãwen eritto ilo jitõb einwõt kar kwalok kake ilo Jabõn Kennan Ko 1:1-4.” Kimij kejatdikdik bwe Jehovah enaj wõnmanlok im letok ñan kajjojo iad “loin ro emwij katakin ir.”—Ais. 50:4.